ក្រុមអាល្លឺម៉ង់ RB Leipzig ប៊ិះអត់បានលេង Champions League ព្រោះច្បាប់មួយ

2017-06-21 01:55:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមរងជើងឯកលីគកំពូលអាល្លឺម៉ង់ RB Leipzig ប៊ិះមិនបានលេងពាន UEFA Champions League នៅរដូវកាលក្រោយដោយសារច្បាប់មួយរបស់ UEFA។

ក្លឹប RB Leipzig

យោងតាមច្បាប់សហព័ន្ធបាល់ទាត់ទ្វីបអឺរ៉ុបបានចែងថា ក្លឹបពីរដែលមានម្ចាស់តែមួយមិនអាចលេងនៅពាន UEFA ជាមួយគ្នាបានទេ ស្របពេល RB Leipzig របស់អាល្លឺម៉ង់ និង Red Bull Salzburg របស់អូទ្រីសគឺមានម្ចាស់ក្លឹបតែមួយ ហើយក្រុមទាំងពីរសុទ្ធតែមានកៅអី Champions League រដូវកាលក្រោយ។

យ៉ាងណាក៏ដោយ ករណីក្លឹបខាងលើត្រូវ UEFA លើកលែងឲ្យដោយសារស្ថាប័នក្បាលម៉ាស៊ីនបាល់ទាត់មួយនេះសំអាងថាទាំង RB Leipzig និង Salzburg ស្ថិតនៅក្រោមការគ្រប់គ្រងផ្សេងគ្នា និងលេងនៅលីគប្រទេសផ្សេងគ្នា បើទោះជាម្ចាស់ហ៊ុនតែមួយក៏ដោយ តែមិនអាចជះឥទ្ធិពលអាក្រក់ដល់ការប្រកួតបានឡើយ។

ទោះជាអនុញ្ញាតឲ្យលេង Champions League តែ UEFA នៅតែតាមឃ្លាំមើលការប្រកួតរបស់ក្រុមទាំងពីរ។ សូមបញ្ជាក់ថា RB Leipzig និង Red Bull Salzburg កាន់កាប់ដោយក្រុមហ៊ុនភេសជ្ជៈប៉ូវកម្លាំងគោជល់៕