លេចធ្លាយវីដេអូ ភ្នាក់ងារកូរ៉េខាងជើង ធ្វើទារុណកម្ម អ្នកទោសស្រីម្នាក់ យ៉ាងព្រៃផ្សៃបំផុត

2017-06-27 02:13:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ភ្នាក់ងារកូរ៉េខាងជើង បានវាយដំស្ត្រីរូបនោះយ៉ាងព្រៃផ្សៃ ខណៈដៃរបស់នាងត្រូវគេចងជាប់
ស្ត្រីរូបនោះត្រូវគេចោទប្រកាន់ថា បានរួមភេទជាមួយបុរសជនជាតិចិន និងកូរ៉េខាងត្បូង
វីដេអូថតតាំងពីឆ្នាំ២០១២ ប៉ុន្តែទើបតែលេចធ្លាយ នាពេលថ្មីៗនេះ

វីដេអូដ៏គួរឲ្យរន្ធត់មួយខ្សែ ដែលបង្ហាញឲ្យឃើញ ភ្នាក់ងារសន្តិសុខរបស់កូរ៉េខាងជើង វាយដំស្ត្រីម្នាក់យ៉ាងព្រៃផ្សៃបំផុត ដោយចោទប្រកាន់នាងពីបទរួមភេទ ជាមួយបុរសជនជាតិចិន និងកូរ៉េខាងត្បូង បន្ទាប់ពីនាងរត់គេចចេញពីប្រទេសកំណើត ត្រូវបានបែកធ្លាយ នៅលើបណ្ដាញអ៊ីនធឺណិត នាពេលថ្មីៗនេះ។

វីដេអូដែលថតតាំងពីឆ្នាំ២០១២ នោះ បានបង្ហាញឲ្យឃើញ ស្ត្រីខាងលើរងការវាយដំ ជាច្រើនលើកច្រើនសារ ខណៈដៃរបស់នាងទាំង ២ ត្រូវបានគេចងទៅខាងក្រោយ។ ចំណែកឯភ្នាក់ងារសន្តិសុខរដ្ឋកូរ៉េខាងជើងម្នាក់ បានសួរចម្លើយនាង មុនពេលទាត់ធាក់នាងចំផ្ទៃមុខ បោចសក់ និងរុញក្បាលនាងទៅបុកនឹងជញ្ជាំង យ៉ាងឃោរឃៅបំផុត។

ស្ត្រីខាងលើត្រូវសន្តិសុខ ចោទប្រកាន់ថាបានរត់គេចចេញពីប្រទេសកូរ៉េខាងជើង ទៅកាន់ប្រទេសចិន និងបានចោទសួរនាងថាបានរួមភេទជាមួយ បុរសជនជាតិចិន ឬកូរ៉េខាងត្បូង ឬក៏អត់ទៀតផង។ ទោះជាយ៉ាងណា ស្ត្រីរូបនោះបានបដិសេធ ការចោទប្រកាន់ទាំងឡាយ។

មិនតែប៉ុណ្ណោះ នៅក្នុងវីដេអូឃ្លិបនោះ ក៏បង្ហាញឲ្យឃើញ បុរសម្នាក់ដែលគេចោទប្រកាន់ថា បានរត់គេចខ្លួនទៅកាន់ប្រទេសចិន ក៏ត្រូវគេធ្វើទារុណកម្ម យ៉ាងព្រៃផ្សៃផងដែរ៕