ហេតុអ្វីកាមេរ៉ា Mirrorless ល្អសម្រាប់ការថតរូបដំណើរកម្សាន្ត?

2017-06-28 04:52:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាគច្រើនប្រិយមិត្តមួយចំនួនយល់ថា បើសិនជាចង់បានរូបភាពល្អស្អាត គួរប្រើប្រាស់កាមេរ៉ា DSLR។ តែមិនទាំងស្រុងនោះទេ ព្រោះកាមេរ៉ា Mirroless ម៉ូដែលក្រោយៗមានសមត្ថភាពស្មើ ឬល្អជាងកាមេរ៉ា DSLR ខណៈ Mirroless មានទំហំតូច និងមានមុខងារច្រើនជាង មិនថាអ្នកប្រើប្រាស់សម្រាប់ថតរូបដំណើរកម្សាន្ត ឬថតរូបជាអាជីព អ្នកអាចពិចារណាចំណុចល្អរបស់វាបាន។

ភាពខុសគ្នារវាង កាមេរ៉ា DSLR និង Mirrorless

កាមេរ៉ា DSLR មាន mirror (កញ្ចក់ស្ថិតក្នុងតួកាមេរ៉ាសម្រាប់ជះពន្លឺចូលតាមរយៈ Lens) មួយនៅមុខ Sensor របស់កាមេរ៉ា ដែលជះពន្លឺចូលតាមរយៈ Viewfinder។ ពេលអ្នកចុចប៊ូតុង Shutter នោះ mirror នឹងលើកឡើងដើម្បីបើក Sensor ហើយ Capture (ចាប់យក) រូបភាពតែម្ដង។

កាមេរ៉ា Mirrorless គ្មាន mirror នោះទេ ដូចនេះពន្លឺចូលតាមរយៈ Lens ហើយប៉ះ Sensor ដែលតែងតែបើក។ អ្វីដែលអ្នកឃើញតាមរយៈ Viewfinder ជារូបភាពបង្ហាញដោយ Sensor ដែលអ្នកនឹង Capture ពេលអ្នកចុចប៊ូតុង Shutter។

១. ទំហំ

ប្រសិនបើអ្នកស្ថិតក្នុងទីលានបាល់ទាត់ ជាមួយមនុស្សជាច្រើន ហើយអ្នកចង់ថតរូបភាពស្អាតៗ វាអាចនឹងពិបាកនៅពេលអ្នកមានកាមេរ៉ា DSLR ហើយនឹង Lens ព្យួរនឹងករទៀត។ អ្នកអាចថតរូបបានស្អាត តែប៉ះពាល់ដល់ការកម្សាន្តអារម្មណ៍របស់អ្នក។ កាមេរ៉ា Mirrorless មានទំហំតូច ងាយស្រួលកាន់ថត ហើយគុណភាពរូបភាពក៏ល្អ (អាស្រ័យលើម៉ូដែល)។

២. ងាយស្រួលក្នុងការថត

សម្រាប់ទំហំតូចរបស់កាមេរ៉ា Mirrorless មិនគ្រាន់តែងាយស្រួលយកតាមខ្លួនប៉ុណ្ណោះទេ វាក៏ផ្ដល់អត្ថប្រយោជន៍ក្នុង ការប្រើប្រាស់ផងដែរ។ នៅពេលអ្នកថតរូបតាមដងផ្លូវជាមួយ កាមេរ៉ា DSLR មនុស្សមួយចំនួននឹងឆ្ងល់ថា ហេតុអ្វីយើងតម្រង់ទៅកាន់ពួកគេ ដោយសារពេលអ្នកប្រើប្រាស់វា មនុស្សនឹងយល់ថាអ្នកជាអ្នកថតរូបអាជីព។

កាមេរ៉ា Mirrorless តូចងាយស្រួលថត។ ម៉ូដែលភាគច្រើន អ្នកអាចបត់អេក្រង់ទៅលើ និងថតពីចង្កេះបានផងដែរ។ ម្យ៉ាងវិញ អ្នកអាចថតរូបបានស្ងាត់ល្អ ដោយសារគ្មាន mirror បត់ចុះឡើងគ្រប់ពេលថត។

៣. ភាពច្នៃប្រឌិត

កាមេរ៉ា Mirrorless មានការច្នៃប្រឌិតឥតឈប់ឈរ។ ថ្មីៗនេះ កាមេរ៉ា កម្រិតអាជីព ដូចជា Fuji GFX 50S និង Sony A9 ដែលថតរូបបានយ៉ាងលឿនដល់ទៅ 20 FPS (frame per second)។

Electronic viewfinders: high resolution និង fast refresh rate, បង្ហាញ 100 ភាគរយនៃ field of view។
Live view: អ្នកអាច compose shots ដោយប្រើប្រាស់ rear LCD។
Hybrid viewfinder: រួមបញ្ចូលគ្នា optical និង electronic viewfinders ដែលល្អបំផុត។
Wi-Fi: ងាយស្រួល upload រូបភាព។
Photo assistance features: ដូចជា face detection។
Smart scene modes: ដូចជា HDR ឬ image stacking សម្រាប់ការថតក្នុងកម្រិតពន្លឺទាបដោយមាន noise តិច។
Electronic shutter: សម្រាប់ ultra-fast shutter speeds ដែលអ្នកអាចថត wide open (ពេញទូលាយ) ក្រោមពន្លឺព្រះអាទិត្យ។
Articulating screens (សំដៅលើ LCD ដែលមិនជាប់នឹងតួកាមេរ៉ា)

មុខងារមួយចំនួនខាងលើ មានក្នុងកាមេរ៉ា DSLR ប៉ុន្តែ កាមេរ៉ា mirrorless មានមុខងារទាំងនោះមុន ហើយកាមេរ៉ា mirrorless ក៏មានកំណែទម្រង់ច្រើនលើ firmwares សម្រាប់កាមេរ៉ាជំនាន់ចាស់ផងដែរ។

៤. សមត្ថភាព

កាមេរ៉ា mirrorless មានកម្រិតទាបជាង DSLR ត្រង់ថា focus នៅយឺត, គុណភាពរូបភាពមិនសូវល្អ, ថ្មខ្សោយ និង ergonomics (ការរចនារាងកាមេរ៉ា) ពិបាកក្នុងការកាន់ថតរយៈពេលយូរ។ ចំពោះ ថ្ម DSLR ថតបានយូរជាង កាមេរ៉ា mirrorless។

ប៉ុន្តែបច្ចុប្បន្នបើនិយាយពីល្បឿន focus វិញ Mirrorless បានពង្រឹងសមត្ថភាពខ្លួនច្រើន ដែលអាចស្មើនឹង កាមេរ៉ា DSLR។ ឧទាហរណ៍ Sony a6500 មានល្បឿន auto-focus លឿនបំផុត, មាន 425 phase detection auto-focus points ឆ្លងកាត់ sensor បើប្រៀបធៀបនឹង 51 points នៅលើ Nikon D7500។

ការថតរូបទាក់ទងនឹងកីឡា នៅតែល្អសម្រាប់ full frame DSLR។ កាមេរ៉ា mirrorless មិនបាច់បារម្ភលើការ focus។ ចំពោះគុណភាពរូបភាព មិនសូវខុសគ្នានោះទេ ពីព្រោះ sensors សុទ្ធតែមានទំហំ និងសមត្ថភាពស្រដៀងគ្នា ហើយ គ្រប់ប្រព័ន្ធ mirrorless មាន lens ដែលមានគុណភាពគ្រប់គ្រាន់ សម្រាប់គ្រប់កម្រិតនៃអ្នកប្រើប្រាស់។ Ergonomics ក៏មិនមែនជាឧបសគ្គនោះដែរ។ កាមេរ៉ាដូចជា Fuji អនុញ្ញាតអោយអ្នកកំណត់ settings សឹងតែមិនប្រើប្រាស់ viewfinder។

៥. Lenses

ពេលកាមេរ៉ា mirrorless ហក់ចូលទីផ្សារដំបូង lens ជាចំណុចខ្សោយ ដែលត្រូវការចំណាយពេលច្រើនសម្រាប់បង្កើតប្រព័ន្ធ។ ៩ ឆ្នាំកន្លងទៅ បញ្ហា lensនោះមិនមែនជាបញ្ហាទៀតឡើយ។ ប្រព័ន្ធរបស់ Micro Four Thirds, Sony, Fuji និងក្រុមហ៊ុនផ្សេងទៀតសុទ្ធតែមាន lens សម្រាប់ប្រើប្រាស់គ្រប់ករណី។