ផាន់ គ្រាន់៖ នឹងបន្តអាជីពប្រដាល់នេះរហូតព្រោះរំពឹងជាប់ជាកីឡាករជម្រើសជាតិ

2017-07-07 02:58:28
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតកូនសិស្សលោកគ្រូ ផាន់ ផាន់ណាត គឺកីឡាករ ផាន់ គ្រាន់ ថានឹងបន្តអាជីពឈឺខ្លួននេះរហូត ព្រោះមានក្ដីរំពឹងចង់ជាប់ជាកីឡាករប្រដាល់ជម្រើសជាតិប្រដាល់គុនខ្មែរ។

ផាន់ គ្រាន់ បានឲ្យដឹងថា លោកមិនទាន់ចង់ឈប់ពីវិស័យប្រដាល់គុនខ្មែរនៅឡើយទេ បើទោះជាខ្លួនធ្លាក់សមត្ថភាពប្រកួតរយៈប៉ុន្មានឆ្នាំនេះក៏ដោយ។ មូលហេតុដែលកីឡាកររូបនេះឡើងទម្ងន់ខ្លាំងនិងវ៉ៃធ្លាក់ដូចនេះ គឺដោយសារតែប៉ុន្មានឆ្នាំមុននេះមិនសូវបានហាត់ដិតដល់ ព្រោះគ្រូរបស់គេ(ផាន់ ផានណាត់) ធ្លាក់ខ្លួនឈឺមិនបានបង្ហាត់ ហើយណាមួយក៏មានកន្លែងហាត់ត្រឹមត្រូវទៀតផង។

ផាន់ គ្រាន់ (រូបភាពរបស់លោកគ្រូ ជួន សំណាង)

កីឡាករដែលធ្លាប់បង្ហាញមុខនៅក្នុងកម្មវិធី Thai Fight ម្នាក់នេះបន្ថែមទៀតថា ឥលូវនេះដោយសារកំពុងជាប់ភារកិច្ចប្រកួតខ្សែក្រវាត់របស់សង្វៀនបា័យ ក្នុងទម្ងន់៦៥គីឡូក្រាម ទើបមិនអាចសម្រក់បាន ប៉ុន្តែនៅពេលចប់កម្មវិធីនេះហើយគេនឹងហាត់សម្រក់មកទម្ងន់ដើមវិញគឺ ៦៣,៥គីឡូក្រាមវិញ។ បន្ទាប់ពីសម្រក់រួចហើយ គ្រាន់ នឹងខំប្រឹងហាត់ឲ្យខ្លាំងបំផុត ឲ្យគេមើលឃើញពីសមត្ថភាពរបស់ខ្លួន ដើម្បីបានឱកាសជាប់ជាកីឡាករជម្រើសជាតិ ព្រោះរូបគេពិតជាចង់ជាប់ខ្លាំង។

កីឡាករ ផាន់ គ្រាន់ ឆ្វេងទី២

ផាន់ គ្រាន់ បច្ចុប្បន្នជាកូនសិស្សនៅក្នុងក្លឹប ពុទ្ធសេរីវង្សពោធិសែនជ័យ ដែលមានទីតាំងនៅរាជធានីភ្នំពេញ។ កីឡាកររូបនេះជាអតីតជើងខ្លាំងក្នុងប្រទម្ងន់ ៦៣,៥គីឡូក្រាម ហើយពីមុនក៏ធ្លាប់យកឈ្នះកីឡាករ ឡៅ ចន្រ្ទា ផងដែរ៕

អត្ថបទ៖ នួន ស៊ីណា