អម្រិតបើកការប្រកួតពាន CEO Cup រដូវកាលទី៥

2017-07-08 03:02:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមចំនួន៧មកពីសាខាទូទាំងរាជធានីភ្នំពេញរបស់អម្រិតត្រូវពាក់មុខយក្សដាក់គ្នាលើវាលស្មៅសិប្បនិម្មិតបឹងកក់ដើម្បីប្រជែងគ្នាយកពានរង្វាន់ CEO Cup 2017 ដែលត្រូវបានបើកកាលពីល្ងាចថ្ងៃសុក្រ ទី៧ ខែកក្កដា ឆ្នាំ២០១៧។

លោក ដុស ឌីន

ក្នុងពិធីបើក លោក ដុស ឌីន អគ្គនាយករងបានលើកឡើងថា ការងារដំណើរការទៅបានគឺអាស្រ័យលើរាងកាយ ហើយរាងកាយដំណើរការទៅបានគឺអាស្រ័យលើសុខភាពល្អ ដូច្នេះម្នាក់ៗត្រូវយកចិត្តទុកដាក់លើសុខភាព។ «បុគ្គលិកយើងទាំងអស់គ្នាជាប់រវល់ធ្វើ និងមិនសូវបានជួបគ្នា អីចឹងបានជាងលោកអគ្គនាយកបង្កើតឲ្យមានពាននេះឡើងក្នុងគោលបំណងឲ្យបានស្គាល់គ្នា សាមគ្គីគ្នា និងដើម្បីសុខភាព។ ទោះជាយ៉ាងណា ក្នុងការលេងនេះ យើងត្រូវចេះយោគយល់ អាស្រ័យគ្នា ព្រោះយើងមិនគិតសំខាន់លើការឈ្នះពាននោះទេ ប៉ុន្តែគិតលើសុខភាពដែលបុគ្គលិកគ្រប់រូបអាចចូលលេងបានទាំងអស់គ្នា»។

លោកអគ្គនាយករងរូបនេះបន្ថែមថា នៅពេលខាងមុខក្រុមហ៊ុននឹងបង្កើតកីឡាពីរបីប្រភេទបន្ថែមទៀតដើម្បីបុគ្គលិកកាន់តែមានឱកាសលេងកីឡា ជាពិសេសប្រភេទកីឡាដែលបុគ្គលិកស្រីអាចលេងបាន។ ជាងនេះទៀតនោះក៏ជាផ្នែកមួយជួយជំរុញ និងលើកកម្ពស់វិស័យកីឡានៅកម្ពុជា។

ពានរង្វាន់ CEO Cup ២០១៧នេះមាន៦ក្រុមចូលរួមប្រកួតប្រជែង និង១ក្រុមទៀតជាបុគ្គលិកជាន់ខ្ពស់ភាគច្រើនមានវ័យចំណាស់ដែលប្រកួតមិត្តភាពថ្ងៃបើកឆាកតែប៉ុណ្ណោះ។ ពានរង្វាន់នេះប្រើរូបមន្តវិលជុំសន្សំពិន្ទុក្នុងនោះក្រុម៤ដែលមានពិន្ទុខ្ពស់ជាងឡើងទៅវគ្គពាក់កណ្តាលផ្តាច់ព្រ័ត្រ និងត្រូវប្រើពេល១៨សប្តាហ៍។ ចំពោះប្រាក់រង្វាន់វិញនៅមិនទាន់ច្បាស់ឡើយ ប៉ុន្តែមានតែ២ក្រុមប៉ុណ្ណោះនឹងទទួលបានប្រាក់៕