យុវជនខ្មែរម្នាក់ ប្រើគំនូរចាស់៣ផ្ទាំងច្នៃចេញជាឈុតល្ខោនស្បៃធំមួយយ៉ាងស្អាតកប់(វីដេអូ)
- 2017-07-09 03:04:03
- ចំនួនមតិ 0 | ចំនួនចែករំលែក 0
យុវជនខ្មែរម្នាក់ ប្រើគំនូរចាស់៣ផ្ទាំងច្នៃចេញជាឈុតល្ខោនស្បៃធំមួយយ៉ាងស្អាតកប់(វីដេអូ)
ចន្លោះមិនឃើញ
គំនូរចាស់ៗជាច្រើនផ្ទាំង ដែលបន្សល់ទុកពីរាមច្បងក្នុងមហាវិទ្យាល័យតែមួយ ត្រូវបានយុវជនម្នាក់យកមកកែច្នៃជា ឈុតរបាំ "ស្បៃធំ" យ៉ាងគួរឲ្យទាក់ទាញ។
សេក វិសាល និស្សិតឆ្នាំទី៤ នៃសាកលវិទ្យាល័យ "ភូមិន្ទវិចិត្រសិល្បៈ" ផ្នែក "វិចិត្រកម្ម" ប្រាប់ Sabay ថា ថ្មីៗនេះលោកទើបតែសម្រេចស្នាដៃថ្មីមួយ ដែលច្នៃគំនូរចាស់រេចរឹល៣ ផ្ទាំងចេញជាសំលៀកបំពាក់របាំខ្មែរ ដែលហោថា "ស្បៃធំ ឬស្បៃភ្លោះ" ដើម្បីធ្វើជាប្រធានបទសេរីក្នុងការបញ្ចប់ការសិក្សា។
យុវជន២១ឆ្នាំនេះ បន្តថាការផលិតឈុតនេះឡើងគឺប្រើប្រាស់ឧបករណ៍ពីគំនូរចាស់ទាំងស្រុងដោយ ផ្នែកលើប្រើគំនូរ២ផ្ទាំង ខាងក្រោយ២ផ្ទាំង និងផ្នែកតុបតែងដូចជាតួខាងមុខ និងមកុដគឺប្រើពីស៊ុមគំនូរ ព្រមទាំងមានការបន្ថែមគូសវាសខ្លះៗ។
និស្សិតដែលមានទេពកោសល្យខាងគំនូររូបនេះបន្ថែមថា ការផលិតសំលៀកបំពាក់របាំនេះគឺប្រើរយៈពេល៣ ទៅ៤ខែ ដោយលោកច្នៃមើលតាមឈុត "ស្បៃធំ" ទាំងស្រុង តែដោយសាតែលោកចង់បានជាលក្ខណៈ Fashion ទើបសម្រេចផ្ដាច់ខ្លួនខាងក្រោយឲ្យនៅខ្លីត្រឹមចង្កេះ។
លោកបង្ហើបទៀតថាថ្មីៗនេះ លោកទើបតែសម្រេចបានឈុតថ្មីមួយទៀតមានឈ្មោះថា "រាហុ" ដែលចំណាយគំនូរមួយផ្ទាំង និងរយៈពេលត្រឹមតែមួយសប្ដាហ៍ប៉ុណ្ណោះ៕
សូមស្ដាប់ការរៀបរាប់ពីអ្នកច្នៃម៉ូដដោយផ្ទាល់៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
