Ronaldo សម្រេចចិត្តហើយ គឺនៅ Real Madrid បន្តទៀត
- 2017-07-10 01:57:03
- ចំនួនមតិ 0 | ចំនួនចែករំលែក 0
Ronaldo សម្រេចចិត្តហើយ គឺនៅ Real Madrid បន្តទៀត
ចន្លោះមិនឃើញ
Cristiano Ronaldo បានធ្វើការសម្រេចចិត្តជុំវិញអនាគតរបស់ខ្លួនគឺនៅលេងឲ្យ Real Madrid បន្តទៀត។ នេះបើយោងតាមប្រភពព័ត៌មានពីប្រទេសអេស្ប៉ាញ។
ខ្សែប្រយុទ្ធឆ្នើមសញ្ជាតិព័រទុយហ្គាល់ត្រូវជឿថាមានការធុញទ្រាន់ និងខឹងសម្បាជាមួយអាជ្ញាធរនៃប្រទេសអេស្ប៉ាញដែលចោទប្រកាន់ខ្លួនថាបានគេចមិនបង់ពន្ធប្រមាណ ១២,៩លានផោន ធ្វើឲ្យរូបគេពិចារណាទៅលេងនៅក្លឹបផ្សេងក្រៅពី La Liga។
យ៉ាងណាក៏ដោយគ្រប់យ៉ាងហាក់ធូរស្បើយឡើងវិញ បន្ទាប់ពីមនុស្សសំខាន់ៗនៅជុំវិញខ្លួនមាន ប្រធានក្លឹប, លោក Zidane, ភ្នាក់ងារផ្ទាល់ និងមិត្តរួមក្រុម បញ្ចុះបញ្ចូលឲ្យ Ronaldo នៅលេងឲ្យ Real Madrid តទៅទៀត។ កីឡាករវ័យ៣២ឆ្នាំ ត្រូវឡើងសវនាការនៅថ្ងៃទី ៣១ ខែកក្កដានេះជុំវិញបណ្ដឹងគេចពន្ធ។
គួរបញ្ជាក់ថាសមាជិកទាំងអស់របស់ Real Madrid នឹងចាប់ផ្ដើមហ្វឹកហាត់នៅថ្ងៃច័ន្ទនេះហើយ តែ Ronaldo ត្រូវអនុញ្ញាតឲ្យសម្រាកយូរជាងគេរហូតដល់ចុងខែទើបទៅចូលរួមជាមួយក្រុម៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
