បក្សប្រឆាំង គាំទ្របទឈប់បាញ់រវាងរុស្ស៊ី និងអាមេរិក

2017-07-10 06:36:51
ចំនួនមតិ 0 | ចំនួនចែករំលែក 0

ចន្លោះមិនឃើញ

អាមេរិក និងរុស្ស៊ី ព្រមព្រៀងលើបទឈប់បាញ់ នៅភាគខាងត្បូងឈាងខាងលិចប្រទេសស៊ីរី
អង្គការសហប្រជាជាតិ កំពុងស្វែងរកដំណោះស្រាយនយោបាយបញ្ចប់សង្គ្រាមស៊ីរី មុនចាប់ផ្តើមកិច្ចចចារ សន្តិភាពជាថ្មី

គណបក្សប្រឆាំងក្នុងប្រទេសស៊ីរី បានចេញមុខសាទរទៅនឹងកិច្ចព្រមព្រៀងបទឈប់បាញ់មួយ បង្កើតឡើងដោយមហាអំណាចអាមេរិក និងរុស្ស៊ី ដើម្បីបន្ធូរបន្ថយភាពយន្តតានតឹង ក្នុងសង្គ្រាមស៊ីវិលប្រទេសនេះ ដែលអូស បន្លាយជាង ៦ ឆ្នាំ។

ថ្លែងចេញពីទីក្រុង ហ្សឺណេវ ប្រទេសស្វីស កាលពីថ្ងៃអាទិត្យ អ្នកនាំពាក្យ និងជាប្រតិភូពិសេសរបស់គណបក្សប្រឆាំងស៊ីរី លោក Yahya Al-Aridi បានអះអាងថា គណបក្សរបស់លោក សា្វគមន៍បទឈប់បាញ់រវាងយោធារុស្ស៊ី និងអាមេរិកក្នុងប្រទេសស៊ីរី ដោយថែមទាំងរំពឹងយ៉ាងមុតមាំ ទៅលើកិច្ចព្រមព្រៀងថ្ មីនៃមហាអំណាចទាំងពីរ នឹងជួយស្តារស្ថានភាពតានតឹង ក្នុងសង្គ្រាមប្រទេសនេះទាំងមូលតែម្តង។

សហរដ្ឋអាមេរិក និងរុស្ស៊ី កាលពីល្ងាចថ្ងៃអាទិត្យ បានឈានដល់កិច្ចព្រមព្រៀងឈប់បាញ់មួយ ក្នុងគោលបំណងបញ្ចប់សង្គ្រាមរ៉ៃរាំ និងការប្រឈមមុខដាក់គ្នារវាភាគីទាំងពីរក្នុងតំបន់ ខណៈរុស្ស៊ី ជាប្រទេសគាំទ្រយោធារដ្ឋាភិបាល លោកប្រធានធិបតី អាសាត រីឯសហរដ្ឋអាមេរិក គាំទ្រពួកប្រឆាំង ដែលប្រកាសខ្លួនជាកងកម្លាំងប្រជាធិបតេយ្យស៊ីរី។

ដោយឡែកបទឈប់បាញ់នេះដែរ ធ្វើឡើងក្រោយកិច្ចប្រជុំលើទី ៧ របស់អង្គការសហប្រជាជាតិ បានសម្រេច ពន្យារពេលកិច្ចពិភាក្សាសន្តិភាពក្នុងចេតនា ស្វែងរកដំណោះស្រាយនយោបាយប្រសើរមួយ ឈានដល់ការបញ្ចប់សង្គ្រាមជាង ៦ ឆ្នាំ និងសម្លាប់មនុស្សជាង ៤ សែននាក់៕

អត្ថបទ៖ សុភា

ប្រភព៖ Reuters