កីឡាករប្រដាល់សកល៣រូបបានប្រាក់ ដើម្បីទៅហ្វឹិកហាត់នៅថៃ១ខែ

2017-07-15 02:40:36
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករជើងខ្លាំងប្រដាល់សកលរបស់កម្ពុជា ៣រូប ផល សោភ័ណ្ឌ ណាត សៀកនិន(ពេជ្រ ម្ទេសខ្មាំង) ហ្វីលីក បានប្រាក់ឧត្ដមរួមនិងសម្ភារហ្វឹកហាត់មួយចំនួនសម្រាប់ប្រើប្រាស់ពេលចេញទៅបោះជំរំនៅប្រទេសថៃមួយខែ។

លោក Cassey Barnett

លោក Cassey Barnett ដែលជាម្ចាស់សាលា CamEd Business School បានឲ្យដឹងមុននេះបន្តិចថា ដើម្បីជាការជួយសម្រួលដល់កីឡាករប្រដាល់សកល៣រូប ខាងលើសម្រាប់ចំណាយផ្សេងៗនៅពេលហ្វឹកហាត់នៅប្រទេសថៃ លោកបានឧត្ដមដល់គ្រូនិងកីឡាករចំនួន ៨០០$ និងទិញសម្ភារសម្រាប់ហ្វឹកហាត់មួយចំនួនអស់ ១០៥០$ ថែមទៀត សរុបទាំងអស់គឺចំនួន ១៨៥០$។

កីឡាករពេលទទួលការឧត្ដម

បុរសជនជាតិអាមេរិករូបនេះបន្តទៀតថា សម្រាប់ថវិកានិងសម្ភារបន្តិចបន្តួចដែលបានឧត្ដមដល់កីឡាករនេះ ជាទឹកផ្ទាល់របស់លោក ហើយនេះជាលើកទឹកចិត្តដល់ពួកគេឲ្យខំប្រឹងប្រែងហ្វឹកហាត់បន្ថែមទៀត។ ណាមួយប្រដាល់សកលរបស់កម្ពុជាមិនសូវមានការគាំទ្រនោះទេ លោកក៏ចង់ឲ្យអ្នកទស្សនាទាំងអស់ជួយគាំទ្រកីឡាមួយនេះឲ្យកាន់តែរីកចម្រើនផងដែរ។ «នៅក្នុងសង្គមមួយយើងត្រូវតែចេះជួយគ្នាទៅវិញទៅមក»សម្ដីលោក Cassey Barnett។

លោក Cassey Barnett

គូបញ្ជាក់ថាកីឡាករកម្ពុជា៣រូប មាន ផល សោភ័ណ្ឌ ណាត សៀកនិន(ពេជ្រ ម្ទេសខ្មាំង) ហ្វីលីក រួមនិងលោកគ្រូជម្រើសជាតិ វ៉ែន សុផល នឹងត្រូវចេញដំណើរយប់នេះទៅហ្វឹកហាត់នៅប្រទេសថៃចំនួន១ខែដើម្បីត្រៀមចូលរួមស៊ីហ្គេមនៅប្រទេសម៉ាឡេស៊ីខែក្រោយនេះ៕

អត្ថបទ៖ នួន ស៊ីណា