កីឡាករ​ប្រដាល់​សកល​៣រូប​បាន​ប្រាក់​ ដើម្បីទៅហ្វឹិកហាត់នៅថៃ១ខែ

  • 2017-07-15 02:40:36
  • ចំនួនមតិ

ចន្លោះមិនឃើញ

កីឡាករ​ជើង​ខ្លាំង​ប្រដាល់​សកល​របស់​កម្ពុជា​ ៣រូប​ ផល​ សោភ័ណ្ឌ​ ណាត​ សៀកនិន(ពេជ្រ​ ម្ទេសខ្មាំង)​ និងកីឡាករ ហ្វីលីក​ បាន​ប្រាក់​ឧបត្ថម្ភ​ និង​សម្ភារៈ​ហ្វឹកហាត់​មួយ​ចំនួន​សម្រាប់​ប្រើប្រាស់​ពេល​ចេញ​ទៅ​បោះជំរំ​នៅ​ប្រទេស​ថៃ​មួយ​ខែ។​

លោក​ Cassey Barnett

លោក​ Cassey Barnett​ ដែល​ជា​ម្ចាស់​សាលា​ CamEd Business School​ បាន​ឲ្យ​ដឹង​ថា​ ដើម្បី​ជា​ការ​ជួយ​សម្រួល​ដល់​កីឡាករ​ប្រដាល់​សកល​៣រូប​ខាង​លើ​ សម្រាប់​ចំណាយ​ផ្សេងៗ​នៅ​ពេល​ហ្វឹកហាត់​នៅ​ប្រទេស​ថៃ​ លោក​បាន​ឧបត្ថម្ភ​​ដល់​គ្រូ​និង​កីឡាករ​ចំនួន​ ៨០០$​ និង​ទិញ​សម្ភារ​សម្រាប់​ហ្វឹកហាត់​មួយ​ចំនួន​អស់​ ១០៥០$​ ថែម​ទៀត​​ សរុប​ទាំង​អស់​គឺ​ចំនួន​ ១៨៥០$។​

កីឡាករពេលទទួលការឧត្ដម​

បុរស​ជនជាតិ​អាមេរិក​រូប​នេះ​បន្ត​ទៀត​ថា​ សម្រាប់​ថវិកា​និង​សម្ភារៈបន្តិចបន្តួចដល់​កីឡាករ​នេះ​ ជា​ទឹក​​ប្រាក់​ផ្ទាល់​របស់​លោក​ ហើយ​នេះ​ជា​ការ​លើក​ទឹក​ចិត្ត​ដល់​ពួក​គេ​ឲ្យ​ខំ​ប្រឹងប្រែង​ហ្វឹកហាត់​បន្ថែម​ទៀត។​ ណា​មួយ​ប្រដាល់​សកល​របស់​កម្ពុជា​មិន​សូវ​មាន​ការ​គាំទ្រ​នោះ​ទេ​ លោក​ក៏​ចង់​ឲ្យ​អ្នក​ទស្សនា​ទាំង​អស់​ជួយ​គាំទ្រ​កីឡា​មួយ​នេះ​ឲ្យ​កាន់​តែ​រីកចម្រើន​ផង​ដែរ។​ «នៅ​ក្នុង​សង្គម​មួយ​យើង​ត្រូវ​តែ​ចេះ​ជួយ​គ្នា​ទៅ​វិញ​ទៅ​មក»​សម្ដី​លោក​ Cassey Barnett។​

លោក​ Cassey Barnett

គូ​បញ្ជាក់​ថា​កីឡាករ​កម្ពុជា​៣រូប​ មាន​ ផល​ សោភ័ណ្ឌ​ ណាត​ សៀកនិន(ពេជ្រ​ ម្ទេសខ្មាំង)​ ហ្វីលីក​ រួម​និង​លោក​គ្រូ​ជម្រើស​ជាតិ​ វ៉ែន​ សុផល​ បាន​​ចេញ​ដំណើរតាំងពី​​យប់​មិញ​​ទៅ​ហ្វឹកហាត់​នៅ​ប្រទេស​ថៃ​ចំនួន​១ខែ​ដើម្បី​ត្រៀម​ចូលរួម​ស៊ីហ្គេម​នៅ​ប្រទេស​ម៉ាឡេស៊ី​ខែ​ក្រោយ​នេះ៕​

ស្រាបៀរ​អង្គរ​មាន​មោទនភាព​គាំទ្រ​អត្តពលិក​ជាតិ​​ចូល​រួម​ប្រកួត​កីឡា​ស៊ីហ្គេម ២០១៧ #ឆន្ទៈ​យើងបេះ​ដូង​យើង

ចុចអានអត្ថបទបន្ដ៖

ជួប​គ្នា​ចុងក្រោយ Floyd ​ពាក់​នាឡិកា​ជាង​១​លាន​ដុល្លារ តែ​ត្រូវ Conor អង្អែល​ក្បាល​លេង

ទិដ្ឋភាព​ SCG Muangthong United ​លើក​ទ័ព​មក​ដល់​កម្ពុជា​ អត់មាន​កីឡាករ​ខ្មែរសូរិន្ទទេ


អត្ថបទ៖ នួន ស៊ីណា​