ស្រលាញ់គ្នារាប់ឆ្នាំជិតដល់ថ្ងៃរៀបការ មិត្តប្រុសបែរជាធ្លាក់ខ្លួនពិការ

2017-07-17 04:23:49
ចំនួនមតិ 0 | ចំនួនចែករំលែក 0

ចន្លោះមិនឃើញ

Jame មានអាយុ ២៩ឆ្នាំ បានរៀបការជាមួយមិត្តស្រីនាង Michaela អាយុ ៣៣ឆ្នាំ កាលពីខែមិថុនាបន្ទាប់ពីស្រលាញ់គ្នាជាង ៥ឆ្នាំ និងបង្កើតអនុស្សាវរីយ៍ផ្អែមល្ហែមរាប់មិនអស់។

លោក James និង Michaela បានជួបគ្នាក្នុងឆ្នាំ ២០១២ ហើយ James បានសុំនាងរៀបការក្នុងឆ្នាំ ២០១៤ នៅសួនកម្សាន្ត Disneyland ក្នុងរដ្ឋ Orlando សហរដ្ឋអាមេរិក។ ជាអកុសល ពេលរៀបការ គេឃើញកូនកំលោះដាក់រទេះរុញបញ្ឈរឈរជាមួយកូនក្រមុំគួរឲ្យរំជួលចិត្ត ក្រោមក្រសែភ្នែកភ្ញៀវកិត្តិយសរាប់សិបនាក់។

James បានជួបឧបទ្ទវហេតុរអិលដួលនៅមាត់សមុទ្រស្ទើរស្លាប់ដោយសាររលកបោកពេញមួយទំហឹងបណ្ដាលឲ្យសន្លប់បាត់បង់ស្មារតី និងធ្វើឲ្យប៉ះពាល់ដល់ឆ្អឹងក និងឆ្អឹងខ្នង។ គាត់ត្រូវពិការកម្រើកលែងរួចចាប់ពីទ្រូងចុះក្រោម ហើយមិនអាចដើរបានវិញឡើយ។

James និយាយទាំងសោកស្ដាយថា ពេលវេលាដ៏សប្បាយរីករាយរបស់ខ្លួន បានប្រែទៅជាសុបិនអាក្រក់បំផុត។ ទោះជាយ៉ាងណា លោកនៅបន្តក្ដីសង្ឃឹមយ៉ាងមុតមាំថា នឹងមានគ្រូពេទ្យអាចព្យាបាលឲ្យខ្លួនអាចដើរបានឡើងវិញនាថ្ងៃខាងមុខ។

បុរសជាអ្នកពន្លត់អគ្គីភ័យរូបនេះ បានរៀបការដោយមានការចូលរួមពីក្រុមគ្រួសារ បងប្អូន និងមិត្តភ័ក្ដិយ៉ាងច្រើននៅវិមាន Belvoir Castle ទីក្រុង Grantham ប្រទេសអង់គ្លេស។ ទោះជាកូនកំលោះមិនអាចដើររួច តែពួកគេគ្រោងធ្វើដំណើរទៅក្រេបទឹកឃ្មុំនៅទីក្រុង Las Vegas សហរដ្ឋអាមេរិក ទៀតផង៕