គង់ ហ៊ូវ បំណងធំក្នុងវិស័យប្រដាល់គឺចង់ទៅប្រកួតនៅក្រៅប្រទេស

2017-07-18 03:13:01
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់វ័យក្មេងនៅក្លឹប សមាគមប្រដាល់ក្រសួងការពារជាតិគឺកីឡាករ គង់ ហ៊ូវ ក្ដីបំណងរបស់ខ្លួនក្នុងវិស័យប្រដាល់នោះគឺចង់ទៅប្រកួតនៅក្រៅប្រទេសដើម្បីមានកេរ្តិ៍ឈ្មោះល្បី។

កីឡាករ គង់ ហ៊ូវ

កីឡាករ គង់ ហ៊ូវ បាននិយាយថា បច្ចុប្បន្ននេះគេខំប្រឹងហាត់ជាប្រចាំ ហើយថែមទាំងហ្វឹកហាត់ខ្លាំងទៀតផង ព្រោះខ្លួនចង់មានកេរ្តិ៍ឈ្មោះល្បីល្បាញដូចជាកីឡាកររៀមច្បង រឿង សោភ័ណ្ឌ ម៉ឺន សុភា និង ឡុង សុភី ជាដើម។ បើនិយាយពីសមត្ថភាពប្រកួតបច្ចុប្បន្នមានការរីកចម្រើនខ្លាំង មួយរយៈពេលចុងក្រោយនេះកូនសិស្សលោកគ្រូ ធន់ សុភា រូបនេះផ្ដួលជើងខ្លាំងជាច្រើននាក់ទាំងកម្ពុជានិងកីឡាករថៃ។

សិស្សប្អូន ម៉ឺន សុភា ម្នាក់នេះបន្តឲ្យដឹងទៀតថា តាមការសម្គាល់របស់គេ ស្នៀតដែលធ្វើបានល្អជាងគេនៅពេលប្រយុទ្ធ ហើយផ្ដួលដៃញឹកញាប់នោះគឺទាត់។ គេនឹងបន្តខំប្រឹងប្រែងហ្វឹកហាត់ថែមទៀត ដើម្បីឲ្យខ្លាំងនិងមានសមត្ថភាពពេញលេញយកឈ្នះដៃគូ បង្កើនកេរ្តិ៍នៅពេលខាងមុខហើយអាចចេញទៅប្រកួតនៅក្រៅប្រទស។

កីឡាករ គង់ ហ៊ូវ ពេលឈ្នះម៉ារ៉ាតុង(ហ្វេសបុក)

គង់ ហ៊ូវ ជាកូនសិស្សលោកគ្រូ ធន់ សុភា មកពីក្លឹប សមាគមប្រដាល់ក្រសួងការពារជាតិ ហើយពេលថ្មីៗនេះអ្នកប្រដាល់រូបនេះទើបនិងឈ្នះកម្មវិធីប្រកួតម៉ារ៉ាតុង ដែលមានទឹកប្រាក់ ៧០០$ នៅសង្វៀនទូរទស្សន៍បាយ័នផងដែរ៕

អត្ថបទ៖ នួន ស៊ីណា