មេរោគ​ក្នុង​កុំព្យូទ័រ​ ​តែង​ជា​កត្តា​ដែល​ធ្វើ​ឲ្យ​អ្នក​ប្រើប្រាស់​ឈឺក្បាល​ ​ជា​ពិសេស​កុំព្យូទ័រ​ប្រើ​ ​Windows​ ​ខណៈ​កុំព្យូទ័រ​ ​Mac​ ​មិន​ងាយ​រង​ការ​វាយ​ប្រហារ។ Sabay​ ​សូម​បង្ហាញ​បណ្ដា​កម្មវិធី​កម្ចាត់​មេរោគ​ល្បីៗ​មួយ​ចំនួន​ដែល​ប្រិយមិត្ត​គួរ​សាក​ប្រើ​ ​៖

• Bitdefender Antivirus​ ​កម្មវិធី​នេះ​មាន​ជំនាញ​ការពារ​ការ​វាយ​ប្រហារ​ប្រភេទ​ ​Ransomware​ ​និង​អាច​រក្សា​លេខ​សម្ងាត់​គណនី​នានា​ក្នុង​ម៉ាស៊ីន​កុំព្យូទ័រ។ អាច​ប្រើ​ជា​ប្រភេទ​ ​Free​ ​តែ​មិន​សូវ​មាន​សុវត្ថិភាព​ខ្ពស់​ទេ​ ​ឬ​បង់​ ​៣៩,៩៩​ ​ដុល្លារ​ក្នុង​មួយ​ឆ្នាំ​សម្រាប់​កញ្ចប់​ពេញ​សមត្ថភាព​ ​(ប្រើ​បាន​មួយ​ម៉ាស៊ីន)។

• Trend Micro Antivirus and Security​ ​មាន​ជំនាញ​ចាប់​យក​ ​Ransomware​ ​ឲ្យ​អស់​ពី​ក្នុង​ម៉ាស៊ីន​កុំព្យូទ័រ​ ​និង​សមត្ថភាព​វិភាគ​ដឹង​ថា​តើ​វេបសាយ​ ​ឬ​បណ្ដាញ​សង្គម​ណា​ដែល​មាន​បង្កប់​មេរោគ​ដែល​មាន​ផល​អវិជ្ជមាន​ដល់​កុំព្យូទ័រ។ តម្លៃ​ចន្លោះ​ពី​ ​៣៩,៩៥​ ​ដុល្លារ​ ​ដល់​ ​៥៩,៩៩​ ​ដុល្លារ​សម្រាប់​ម៉ាស៊ីន​មួយ​ក្នុង​មួយ​ឆ្នាំ​ ​អាស្រ័យ​លើ​សមត្ថភាព​ ​និង​តម្រូវ​ការ។

• AVG Antivirus​ ​ជំនាញ​ខាង​ទប់​ស្កាត់​ការ​វាយប្រហារ​ពី​ ​Hacker​ ​ដោយ​ ​Malicious​ ​ក្នុង​សារ​អេឡិចត្រូនិក។ អាច​ប្រើប្រាស់​ឥត​គិត​ថ្លៃ​ ​(ចុច​ទាញ​យក)​ ​និង​ប្រើ​កញ្ចប់​ ​Premium​ ​តម្លៃ​ចាប់​ពី​ ​៣៩,៩៩​ ​ដុល្លារ​ក្នុង​មួយ​ម៉ាស៊ីន​រយៈ​ពេល​មួយ​ឆ្នាំ។

• ESET NOD32​ ​សមត្ថភាព​ខ្ពស់​ក្នុង​ការ​ចាប់​យក​ ​និង​បិទ​ចោល​នូវ​ ​malicious​ ​ដែល​មាន​បង្កប់​ខ្លួន​ក្នុង​ ​URL​ ​របស់​វេបសាយ​ដែល​អ្នក​ប្រើប្រាស់​បើក​មើល​ ​ហើយ​កម្មវិធី​នេះ​ក៏​អាច​ស្វែងរក​មេរោគ​ក្នុង​ម៉ាស៊ីន​កុំព្យូទ័រ​បាន​យ៉ាង​មាន​ប្រសិទ្ធភាព​ ​ខណៈ​ពេល​កម្មវិធី​ប្រតិបត្តិការ​កុំព្យូទ័រ​មិន​យឺត​នោះ​ទេ។ មិន​មាន​ដាក់​ឲ្យ​ប្រើប្រាស់​មិន​គិត​ថ្លៃ​នោះ​ទេ​ ​ហើយ​តម្លៃ​ប្រមាណ​ ​៣៩,៩៩​ ​ដុល្លារ​សម្រាប់​មួយ​ម៉ាស៊ីន​រយៈពេល​មួយ​ឆ្នាំ។

• Norton Antivirus​ ​ជំនាញ​ខាង​កម្ចាត់​ ​Malware​ ​និង​ជួយ​បន្ថែម​កម្រិត​សុវត្ថិភាព​ដល់​ ​Firewall​ ​របស់​ ​Windows​ ​ហើយ​មាន​តម្លៃ​ ​១៩,៩៩​ ​ដុល្លារ​សម្រាប់​ប្រើ​មួយ​ម៉ាស៊ីន​ក្នុង​រយៈ​ពេល​មួយ​ឆ្នាំ​ ​ឬ​លើ​ពី​នេះ​អាស្រ័យ​លើ​កញ្ចប់​សមត្ថភាព​សេវាកម្ម៕

ប្រភព៖ BeeBom   ប្រែ​សម្រួល៖ រដ្ឋ