Monaco ព្រមានក្លឹបណាដែលលួចទាក់ទង Mbappe ស្ងាត់ៗ
- 2017-07-21 02:25:52
- ចំនួនមតិ 0 | ចំនួនចែករំលែក 0
Monaco ព្រមានក្លឹបណាដែលលួចទាក់ទង Mbappe ស្ងាត់ៗ
ចន្លោះមិនឃើញ
Monaco បានចោទប្រកាន់ក្លឹបធំៗមួយចំនួននៅអឺរ៉ុបដែលមានលួចទាក់ទង តារាឆ្នើម Kylian Mbappe ដោយខុសច្បាប់។
ក្លឹបនៃក្របខ័ណ្ឌកំពូលបារាំងបានចេញសេចក្ដីថ្លែងការណ៍ថា ក្លឹបទាំងនោះបានធ្វើការទាក់ទងខ្សែប្រយុទ្ធវ័យ១៨ឆ្នាំដោយគ្មានការអនុញ្ញាត និងទាមទារឲ្យសហព័ន្ធបាល់ទាត់ពិភពលោក រួមទាំងស្ថាប័នគ្រប់គ្រង French league 1 ចាត់វិធានការលើរឿងនេះ។
យោងតាមច្បាប់របស់ FIFA ក្លឹបអាជីពដែលចង់ចរចាជាមួយកីឡាករណាម្នាក់ត្រូវសរសេរលិខិតសុំការអនុញ្ញាតជាលាយលក្ខណ៍អក្សរជាមុនសិន ទើបអាចទាក់ទងទៅសាមីខ្លួនបាន។
Mbappe កំពុងក្លាយជាគោលដៅរបស់ក្លឹបយក្សនៅអឺរ៉ុបក្រោយស៊ុតបញ្ចូលទី ២៦គ្រាប់ ជួយ Monaco ឈ្នះលីគលើកដំបូងក្នុងរយៈពេល១៧ឆ្នាំ និងឈានដល់វគ្គពាក់កណ្ដាលផ្ដាច់ព្រ័ត្រ Champions League៕