ការងារមិនសូវឈឺក្បាល ទាំង១០ តែទទួលបានប្រាក់ខែ ច្រើនកប់ក្តោង

  • 2017-07-27 00:00:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ជារឿយៗ អ្នក​តែងតែ​មាន​អារម្មណ៍​ថា អ្នក​ត្រូវតែ​ជា​មនុស្ស​គិត​ច្រើន និង​មាន​ភាព​តានតឹង​ខ្លាំង ទើប​អាច​ទទួល​បាន​ជោគជ័យ។ ប៉ុន្តែ​ការងារ​មួយ​ចំនួន អាច​ឲ្យ​អ្នក​រក​ចំណូល​បាន​ច្រើន ដោយ​មិន​បាច់​ឈឺ​ក្បាល​ឡើយ។

បើ​យោង​តាម Monster PayRight ដែល​បាន​វិភាគ​ទិន្នន័យ​លើ​និយោជក​អាមេរិក ជាង ២ ០០០ នាក់ បាន​រក​ឃើញ​ការងារ​មិន​សូវ​ឈឺ​ក្បាល​ទាំង ១០ ដែល​អាច​ទទួល​បាន​ប្រាក់​ចំណូល​ខ្ពស់។

#១០ វិស្វករ​ផ្នែក​ផ្សា (Welding Engineer)

  • សេចក្ដី​សង្ខេប​ការងារ៖ បង្កើត​បច្ចេកទេស នីតិវិធី និង​ការ​ប្រើប្រាស់​ឧបករណ៍​ផ្សា។ ស៊ើបអង្កេត និង​កត់ត្រា ភាព​អវិជ្ជមាន​នៃ​ការ​ផ្សា ដើម្បី​កំណត់​មូលហេតុ និង​វិធានការ​កែ​តម្រូវ។
  • ប្រាក់​ខែ​​ប្រចាំ​ឆ្នាំ​ជា​មធ្យម៖ ១០៤ ២០០ ដុល្លារ​អាមេរិក

#៩ វិស្វករ​រ៉ូបូត (Robotics Engineer)

  • សេចក្ដី​សង្ខេប​ការងារ៖ ប្រើប្រាស់​ចំណេះដឹង​ផ្នែក​វិស្វកម្ម និង​វិធីសាស្ត្រ​ក្នុង​ការ​រចនា កំណត់ សរសេរ​កូដ និង ធ្វើ​តេស្ត​ប្រព័ន្ធ​រ៉ូបូត ឬ​កម្មវិធី​ពាក់ព័ន្ធ។
  • ប្រាក់​ខែ​ប្រចាំ​ឆ្នាំ​ជា​មធ្យម៖ ១០០ ៦០០ ដុល្លារ​អាមេរិក

#៨ អ្នក​វិភាគ​ប្រតិបត្តិការ​ស្រាវជ្រាវ (Operations Research Analyst)

  • សេចក្ដី​សង្ខេប​ការងារ៖ ដឹកនាំ​ការ​វិភាគ​លើ​បញ្ហា និង​តម្រូវ​ការ​ព័ត៌មាន​នៃ​ការ​គ្រប់គ្រង ហើយ​បង្កើត​នូវ​គំរូ​បញ្ហា សម្រាប់​ធ្វើ​ដោះស្រាយ​តាម​រយៈ​កុំព្យូទ័រ។
  • ប្រាក់​ខែ​ប្រចាំ​ឆ្នាំ​ជា​មធ្យម៖ ១១១ ២០០ ដុល្លារ​អាមេរិក

#៧ ប្រធាន​ផ្នែក​ទីផ្សារ (Marketing Manager)

  • សេចក្ដី​សង្ខេប​ការងារ៖ គ្រប់គ្រង និង​សម្របសម្រួល​សកម្មភាព​ទីផ្សារ​សម្រាប់​អង្គភាព​មួយ។
  • ប្រាក់​ខែ​ប្រចាំ​ឆ្នាំ​ជា​មធ្យម៖ ១០៥ ១០០ ដុល្លារ​អាមេរិក

#៦ ភូគព្ភវិទូ (Geologist)

  • សេចក្ដី​សង្ខេប​ការងារ៖ អនុវត្ត​គីមីវិទ្យា រូបវិទ្យា ជីវវិទ្យា គណិតវិទ្យា និង​វិទ្យាសាស្ត្រ​ដទៃ​ទៀត ដើម្បី​ស្រាវជ្រាវ និង​សិក្សា​អំពី​បញ្ហា និង​ប្រវត្តិសាស្ត្រ​របស់​ផែនដី។
  • ប្រាក់​ខែ​ប្រចាំ​ឆ្នាំ​ជា​មធ្យម៖ ១០៦ ៩០០ ដុល្លារ​អាមេរិក

#៥ អ្នក​បច្ចេកវិទ្យា​ផ្នែក​អាហារ (Food Technologist)

  • សេចក្ដី​សង្ខេប​ការងារ៖ ធ្វើ​ផែនការ និង​អនុវត្ត​សកម្មភាព​ស្រាវជ្រាវ ជាមួយ​គោលដៅ​នៃ​ការអភិវឌ្ឍន៍​ផលិតផល​ម្ហូប​អាហារ​ថ្មី ឬ​កែលំអ ឬ​ដំណើរការ​ផលិត​អាហារ។
  • ប្រាក់​ខែ​ប្រចាំ​ឆ្នាំ​ជា​មធ្យម៖ ១០៣ ៦០០ ដុល្លារ​អាមេរិក

#៤ សេដ្ឋកិច្ចវិទូ (Economist)

  • សេចក្ដី​សង្ខេប​ការងារ៖ បកស្រាយ​ទិន្នន័យ​ហិរញ្ញវត្ថុ និង​ទំនោរ​សេដ្ឋកិច្ច និង ស្ថិតិ ដើម្បី​ជួយ​សម្រួល​ដល់​ការ​សម្រេចចិត្ត​ធ្វើ​ផែនការ​អាជីវកម្ម។
  • ប្រាក់​ខែ​ប្រចាំ​ឆ្នាំ​ជា​មធ្យម៖ ១៣៣ ១០០ ដុល្លារ​អាមេរិក

#៣ អ្នក​អភិរក្ស (Curator)

  • សេចក្ដី​សង្ខេប​ការងារ៖ សម្របសម្រួល​ការ​តាំង​ពិពណ៌​មួយ ឬ​ច្រើន​សម្រាប់​សារមន្ទីរ , សួនច្បារ​រុក្ខសាស្ត្រ , រុក្ខជាតិ​ពិពណ៌ , វិចិត្រសាល , សួនសត្វ ឬ​ស្ថាប័ន​ស្រដៀង​គ្នា។
  • ប្រាក់​ខែ​ប្រចាំ​ឆ្នាំ​ជា​មធ្យម៖ ១២៧ ៦០០ ដុល្លារ​អាមេរិក

#២ អ្នក​វិភាគ​ជីវវិទ្យា (Biostatistician)

  • សេចក្ដី​សង្ខេប​ការងារ៖ ប្រមូលផ្ដុំ វិភាគ និង បកស្រាយ​នូវ​ពពួក​ទិន្នន័យ​ជាច្រើន​ខុសៗ​គ្នា ដែល​ទាក់ទង​នឹង​ការ​ស្រាវជ្រាវ​ជីវសាស្ត្រ ឬ​ដំណើរការ​ជីវសាស្ត្រ។
  • ប្រាក់​ខែ​ប្រចាំ​ឆ្នាំ​ជា​មធ្យម៖ ១១៥ ៩០០ ដុល្លារ​អាមេរិក

#១ អ្នក​គ្រប់គ្រង​ហានិភ័យ (Actuary)

  • សេចក្ដី​សង្ខេប​ការងារ៖ រចនា​ការ​ធានា​រ៉ាប់រង , ហិរញ្ញវត្ថុ , ផែនការ​សោធន។ ប៉ាន់ស្មាន​ដើម្បី​អភិវឌ្ឍ សាកល្បង និង​គ្រប់គ្រង​គោល​នយោបាយ។ ពន្យល់​ពី​លទ្ធផល និង ផ្ដល់​អនុសាសន៍​ដល់​នាយក​ប្រតិបត្តិ។
  • ប្រាក់​ខែ​ប្រចាំ​ឆ្នាំ​ជា​មធ្យម៖ ១០៥ ១០០ ដុល្លារ​អាមេរិក

ប្រភព៖ CNBC   ប្រែ​សម្រួល៖ សេង ឡុង

អត្ថបទពេញនិយម