U22 ថៃ ថាមើលជើងកម្ពុជាតាំងពី១ឆ្នាំមុន ដូច្នេះប្រកួតបើកឆាកត្រូវតែឈ្នះ

2017-07-28 02:04:07
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកស្រី Watanya Wongopasi អ្នកចាត់ការក្រុម U22 របស់ថៃ បានបង្ហើបថាក្រុមការងារបានសិក្សាពីក្រុមទាំងអស់ក្នុងការប្រកួតស៊ីហ្គេមនេះតាំងពី១ឆ្នាំមុន ដូច្នេះការប្រកួតនៅខែក្រោយគឺត្រូវតែឈ្នះគ្រប់ប្រកួត។

ក្រុមថៃហ្វឹកហាត់

ក្រុម U22 ថៃស្ថិត B នៅក្នុងពូលជាមួយក្រុម U22 កម្ពុជារួមជាមួយក្រុមវៀតណាម ឥណ្ឌូណេស៊ី ហ្វីលីពីន និង ទីម័រខាងកើត។ ខណៈដែលថៃនឹងត្រូវប៉ះក្រុមកម្ពុជាមុនគេ ក្នុងការប្រកួតបើកឆាក នាថ្ងៃទី១៤ ខែសីហា ឆ្នាំ២០១៧។ ស្របពេលការប្រកួតកាន់តែកៀកមកដល់នេះដែរ អ្នកស្រី Watanya បាននិយាយថាក្រុមរបស់អ្នកស្រីត្រៀមខ្លួនទទួលជ័យជម្នះរួចហើយ ព្រោះការត្រៀមខ្លួនបានយ៉ាងល្អ។

“យើងបានធ្វើការងាររបស់យើង និងសិក្សាពីដៃគូប្រកួតទាំងអស់រួចហើយ។ ដោយក្រុមយើងបានសិក្សាពីវាអស់រយៈពេល១ឆ្នាំមកនេះ គឺមើលឃើញថាក្រុមវៀតណាមជាក្រុមដែលពិបាកយកឈ្នះជាងគេ។ ពួកយើងមិនអាចមើលស្រាលគេបានឡើយ”។ សម្ដីរបស់លោកអ្នកស្រី Watanya។

មិនត្រឹមតែអះអាងថានឹងឈ្នះការប្រកួតផ្នែកបុរសនេះទេ អ្នកស្រី Watanya នៅបញ្ជាក់ទៀតថាសហព័ន្ធកីឡាបាល់ទាត់ថៃដាក់គោលដៅយកមេដាយមាស៤ក្នុងវិញ្ញាសាបាល់ទាត់នេះ ពោលគឺបាល់ទាត់ទាំងផ្នែកបុរស ស្រ្ដី និង Futsal ផ្នែកបុរសនិងស្ត្រី៕

ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង៕

ប្រភព៖ Football Channel ប្រែសម្រួល៖ មុន្នីរម្យ