គីម ជុងអ៊ុន៖ កូរ៉េខាងជើង អាចវាយប្រហារដល់ទឹកដីអាមេរិកទាំងមូល

2017-07-29 05:03:30
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ធ្វើតេស្តមីស៊ីលឆ្លងទ្វីបដោយជោគជ័យកាលពីយប់មិញ មេដឹកនាំវ័យក្មេង គីម ជុងអ៊ុន បាននិយាយថា កូរ៉េខាងជើងមានសមត្ថភាពវាយប្រហារគ្រប់គោលដៅលើទឹកដីអាមេរិកទាំងមូល។

មីស៊ីលដែលកូរ៉េខាងជើងធ្វើតេស្តកាលពីយប់មិញ ជាប្រភេទមីស៊ីលបាលិស្ទីកអន្តរទ្វីប Hwasong 14 បាញ់ចេញពីតំបន់ភាគខាងជើង ខេត្ត Jangang និងហោះធ្លាក់នៅក្នុងដែនសមុទ្រសេដ្ឋកិច្ចផ្ដាច់មុខរបស់ជប៉ុន។ មីស៊ីលនេះ ហោះដល់រយៈកម្ពស់ ៣៧២៤គីឡូម៉ែត្រ ដោយប្រើរយៈពេលត្រឹមជាង ៤៧នាទី។

ទីភ្នាក់ងារសារព័ត៌មានកូរ៉េខាងជើង KCNA បានបញ្ជាក់ថា មេដឹកនាំវ័យ ៣៣ឆ្នាំ គីម ជុងអ៊ុន បាននិយាយដោយមោទនភាពថា ការធ្វើតេស្តអាចបង្ហាញឲ្យឃើញ ដែនដីអាមេរិកទាំងមូលស្ថិតក្រោមរយៈចម្ងាយដែលកូរ៉េខាងជើងអាចវាយប្រហារបានគ្រប់ពេល។

យ៉ាងនេះក្ដី ប្រធានាធិបតីសហរដ្ឋអាមេរិក ដូណាល់ ត្រាំ បាននិយាយចំអកថា វាគ្រាន់តែជាសកម្មភាពប្រថុយគ្រោះថ្នាក់របស់កូរ៉េខាងជើងប៉ុណ្ណោះ។ ចំណែកឯចិនវិញ ក៏មិនគិតថានោះគ្រាន់តែជាការផ្សព្វផ្សាយដើម្បីកំញើញអាមេរិកប៉ុណ្ណោះ ប៉ុន្តែមហាយក្សអាស៊ីមួយនេះ បានជំរុញឲ្យភាគីទាំងអស់កុំបន្ថែមភាពតានតឹង៕