ប៉េងប៉ោះនៅឥណ្ឌាឡើងថ្លៃ ដល់ថ្នាក់គេជួលសន្តិសុខការពារ
- 2017-07-29 07:50:23
- ចំនួនមតិ 0 | ចំនួនចែករំលែក 0
ប៉េងប៉ោះនៅឥណ្ឌាឡើងថ្លៃ ដល់ថ្នាក់គេជួលសន្តិសុខការពារ
ចន្លោះមិនឃើញ
តម្លៃផ្លែប៉េងប៉ោះបានកើនឡើងខ្ពស់នៅក្នុងប្រទេសឥណ្ឌាដល់ថ្នាក់គេជួលសន្តិសុខប្រដាប់អាវុធដាក់ ពង្រាយឱ្យការពារពេលដឹកជញ្ជូនវាស្ទើរមិនគួរឱ្យជឿនៅក្នុងរដ្ឋមួយនៃប្រទេសនេះ។
កាសែតHindustan Times បានចុះផ្សាយកាលពីថ្ងៃអាទិត្យថាអ្នកលក់បោះដុំម្នាក់នៅផ្សារមួយ ក្នុងទីក្រុងអ៊ីនដូរ៉េ (Indore) រដ្ឋម៉ាឌីយ៉ាប្រាដេស (Madhya Pradesh) និយាយថា សុវត្ថិភាព របស់ប៉េងប៉ោះជា “បញ្ហាគួរឲ្យព្រួយបារម្ភខ្លាំង” ដោយសារវាឡើងថ្លៃខ្ពស់កប់ពពក។
អ្នកលក់បោះដុំដដែលបានឱ្យដឹងទៀតថាអ្នកគ្រប់គ្រងផ្សារមួយបានចាត់តាំងសន្តិសុខប្រដាប់អាវុធ៦នាក់ឱ្យការពារសុវត្ថិភាពប៉េងប៉ោះជាពិសេសនៅពេលគេលើកវាចុះពីរថយន្តដឹកទំនិញ។
យោងតាមសេចក្តីរាយការណ៍ថានៅកន្លែងផ្សេងទៀតក្នុងប្រទេសនេះនៅខែនេះមានករណីចោរលួចប៉េងប៉ោះរាប់តោនគួរឱ្យភ្ញាក់ផ្អើល។
តាមពិតនៅឆ្នាំនេះរដ្ឋម៉ាឌីយ៉ាប្រាដេសទទួលបានទិន្នផលដំណាំយ៉ាងច្រើនសន្ធឹកសន្ធាប់ច្រើនដល់ថ្នាក់ កសិករយកប៉េងប៉ោះទៅចាក់ចោលរាយពេញផ្លូវកាលពីប្រហែលមួយខែមុន។ប៉ុន្តែពេលនេះផុតរដូវប៉េងប៉ោះហើយហើយភ្លៀងធ្លាក់ខ្លាំងបានបំផ្លាញដំណាំនៅតំបន់សំខាន់ៗមួយចំនួនទើបបានជាធ្វើឱ្យតម្លៃ ប៉េងប៉ោះឡើងជិតទ្វេដងដល់១,៥៥ដុល្លារអាមេរិកក្នុងមួយគីឡូក្រាមនៅតំបន់នានានៃប្រទេសនេះ៕
ប្រភព ៖ rasmeinews
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
