ខាងក្រោមនេះ​ ​គឺ​ជា​​សៀវភៅ​ ​១០​ ​ក្បាល​ដែល​ ​Amazon​ ​គិត​ថា​ល្អ​បំផុត​ប្រ​ចាំ​ឆ្នាំ​ ​ដោយ​ភាគច្រើន​សុទ្ធ​សឹង​ជា​សៀវភៅ​ប្រលោម​លោក។ ប៉ុន្តែ​គេ​ហ​ទំព័រ​នេះ​មិន​បាន​បញ្ជាក់​ទេ​ថា​ ​​គេ​ឈរ​លើ​​មូលដ្ឋាន​អ្វី​ទើប​ហ៊ាន​អះអាង​បែបនេះ។

១០. The Ministry of Utmost Happiness​ ​ប្រលោមលោក​និពន្ធ​ដោយ ​ ​Arundhati Roy

វា​គឺជា​រឿងរ៉ាវ​ដ៏​គួរ​ឲ្យ​ស្ញប់ស្ញែង​ ​និង​ចាប់អារម្មណ៍​នៃ​ជីវិត​ដ៏​អភិនីហារ​​ សោកនាដកម្ម​ ​និង​ប៉ះ​ប៉ូវ​វិញ​ដោយ​សេចក្ដី​ស្រឡាញ់។

៩. Killers of the Flower Moon: The Osage Murders and the Birth of the FBI​​ ​និពន្ធ​ដោយ David Grann

ជា​រឿង​រ៉ាវ​បែប​ស៊ើបអង្កេត​ ​ឃាតកម្ម​ ​ត្រលប់​ទៅកាន់​ឆ្នាំ​ ​១៩២០​ ​និង​បង្ហាញ​ពី​ការ​ខ្សឹកខ្សួល​ ​និង​ភាព​អមនុស្សធម៌​របស់​មនុស្ស​នៅ​ក្នុង​សង្គម​ដែល​បញ្ហា​ទាំង​នេះ​នៅ​តែ​បន្ត​មាន​ក្នុង​ពេល​បច្ចុប្បន្ន។

៨. Beartown​ ​ប្រលោមលោក​និពន្ធ​ដោយ ​ ​Fredrik Backman

ប្រលោមលោក​ ​អំពី​ទី​ក្រុង​តូច​មួយ​ ​ដែល​ឈ្លក់​វង្វេង​នឹង​ល្បែង​កីឡា​ ​Hockey​ ​ហើយ​នាំ​ឲ្យ​​ភាព​ស្មោះត្រង់​ ​និង​ក្ដី​សង្ឃឹម​កាន់តែ​រួម​តូច​ដោយសារ​ឧក្រិដ្ឋកម្ម។

៧. Exit West​ ​ប្រលោមលោក​និពន្ធ​ដោយ ​ ​Mohsin Hamid

ជា​រឿង​រ៉ាវ​បង្ហាញ​ពី​គូ​ស្នេហ៍​វ័យ​ក្មេង​បាន​រត់​គេច​ខ្លួន​ពី​ប្រទេស​នៅ​មជ្ឈិម​បូព៌ា​ ​ដែល​ហែក​ហួរ​ដោយ​សង្គ្រាម​ដើម្បី​ស្វែង​រក​សុវត្ថិភាព​នៅ​លោក​ខាង​លិច​ ​ក្នុង​នាម​ជា​ជន​ភៀស​ខ្លួន។

៦. Priestdaddy​ ​និពន្ធ​ដោយ ​ ​Patricia Lockwood

ជា​រឿង​រ៉ាវ​រំលឹក​អំពី​អនុស្សាវរីយ៍​​របស់​ក្មេង​ស្រី​ម្នាក់​ ​អំពី​ការ​ចិញ្ចឹម​បី​បាច់​ថែរក្សា​ពេល​នាង​នៅ​តូច​ ​នៅ​ពេល​ដែល​ឪពុកម្ដាយ​របស់​នាង​ ​ផ្ដោត​តែ​ការងារ​ពួកគេ​រៀងៗខ្លួន។

៥. You Don't Have to Say You Love Me​ ​និពន្ធ​ដោយ ​ ​Sherman Alexie

ជា​រឿងរ៉ាវ​នៃ​ការ​ចងចាំ​របស់​គ្រួសារ​មួយ​ ​មាន​ទាំង​កំប្លែង​ ​ភាព​ចម្រូង​ចម្រាស់​ ​និង​បញ្ហា​ចាក់ស្រេះ​ ​ពី​ការ​​គាបសង្កត់​ ​និង​អំពើ​ហិង្សា​ដែល​ទទួល​រង​ដោយ​សហគមន៍​ឥណ្ឌា​អាមេរិច។

៤. Lincoln in the Bardo​ ​ប្រលោមលោក​និពន្ធ​ដោយ ​ ​George Saunders

ជា​​រឿងរ៉ាវ​បែប​ប្រវត្តិ​សាស្ត្រ​ត្រលប់​ទៅ​កាន់​ឆ្នាំ​ ​១៨៦២​ ​នៅ​ទី​បញ្ចុះ​សព​កូន​ប្រុស​សំណប់​អតីត​ប្រធានាធិបតី​ ​Lincoln​ ​ដែល​នឹង​ធ្វើ​ឲ្យ​អ្នក​សើច​​រហូត​ដល់​ហូរ​ទឹក​ភ្នែក។

៣. The Impossible Fortress​ ប្រលោមលោក​ និពន្ធ​ដោយ Jason Rekulak

រឿងរ៉ាវ​ចម្លែក​អស្ចារ្យ​ដែល​កើត​ឡើង​នៅ​ក្នុង​លិខិត​ស្នេហា​នា​ឆ្នាំ​​ ​១៩៨០។ វា​ជា​សៀវភៅ​មួយ​ក្នុង​ចំណោម​សៀវភៅ​កម្រ​ ​និង​ពិសេស​នៅ​ពេល​អ្នក​អាន​វា​ចប់​អ្នក​នឹង​ចង់​ឲ្យ​មិត្តភ័ក្ដិ​របស់​អ្នក​ទាំងអស់​អាន​វា​ភ្លាម។

២. Hunger: A Memoir of (My) Body និពន្ធ​ដោយ Roxane Gay

​ជា​ស្នា​ដៃ​មួយទៀត​របស់​អ្នក​និពន្ធ​សៀវភៅ​ ​លក់​ដាច់​បំផុត​​គឺ​រឿង​ ​"Bad Feminist"​ ​សរសេរ​ពី​ការ​ចង​ចាំ​របស់​ខ្លួន​ដោយ​ស្មោះ​ត្រង់​ ​និង​ក្លាហាន​រៀបរាប់​ពី​មូលហេតុ​​ដែល​នាំ​ឲ្យ​មាន​​ការ​រំលោភ​ផ្លូវ​ភេទ​កុមារ​ ​ជាង​នេះ​ទៅ​ទៀត​សៀវភៅ​នេះ​នឹង​ជំរុញ​ឲ្យ​មាន​ការ​ទទួល​ខុសត្រូវ​កាន់​តែ​ខ្ពស់​ចំពោះ​អ្នកដទៃ។

១. Homo Deus: A Brief History of Tomorrow និពន្ធ​ដោយ Yuval Noah Harari

ជា​មួយ​នឹង​ ​"Homo Deus"​ ​អ្នកនិពន្ធ​ ​Yuval​ ​ភ្ជាប់​ការ​​សរសេរ​នេះ​ទៅ​នឹង​សៀវភៅ​លក់​ដាច់​បំផុត​របស់​គាត់​ ​"Sapiens"​ ​ដែល​បាន​ប្រមើល​មើល​ប្រវត្តិសាស្ត្រ​មនុស្សជាតិ​ ​៧០​ ​ម៉ឺន​ឆ្នាំ​មុន៕

ប្រភព៖ Businessinsider   ប្រែសម្រួល ៖ សុខ លាងហ៊ត