ធ្លាប់ឆ្ងល់ទេ អ្វីទៅជា Body Only?
- 2017-08-08 02:35:11
- ចំនួនមតិ 0 | ចំនួនចែករំលែក 0
ធ្លាប់ឆ្ងល់ទេ អ្វីទៅជា Body Only?
ចន្លោះមិនឃើញ
តួកាមេរ៉ាផ្ទុកនូវ Controls (ប៊ូតុង និង Dials), អេក្រង់ LCD, Internal image sensor និងសមាសធាតុដទៃទៀតដែលត្រូវការសម្រាប់ថតរូបភាព។ កាមេរ៉ាប្រភេទ DSLR ឬ Mirrorless Interchangeable Lens សុទ្ធតែអាចប្ដូរ Lens បាន ដូច្នេះពេលខ្លះអ្នកប្រហែលជាឃើញគេដាក់លក់តែតួខ្លួនរបស់ពួកវា ដែលគេប្រើពាក្យថា Body Only។
គេអាចដាក់លក់តែតួកាមេរ៉ា (Body only) សម្រាប់ប្រភេទ DSLR និងម៉ូដែល Mirrorless Interchangeable Lens។ អ្នកអាចសន្សំលុយបានមួយចំនួនដែរ ប្រសិនបើអ្នកមាន Lens រួចហើយដែលត្រូវនឹងតួកាមេរ៉ាថ្មីនោះ។
តួកាមេរ៉ាជាមួយ kit Lens មានន័យថាជាប្រភេទ Lens ដែលភ្ជាប់ស្រាប់ក្នុងប្រអប់កាមេរ៉ាចេញពីរោងចក្រផ្ទាល់តែម្ដង ប៉ុន្តែយើងក៏អាចស្វែងរកទិញបានតាមហាងកាមេរ៉ានានា ព្រោះ kit Lens មានតម្លៃល្មមសម្រាប់អ្នកប្រើប្រាស់កម្រិតដំបូង។
កាមេរ៉ាមួយចំនួនអាចផ្លាស់ប្ដូរ Lens បានច្រើន ឧទាហរណ៍ ៖ ដូចជាកាមេរ៉ា DSLR អាចមាន kit Lens ពីរដែលមានប្រភេទ Lens ផ្សេងគ្នា។ ការផ្លាស់ប្ដូរបែបនេះ អាចចំណាយធនធានបន្តិច ដូច្នេះអ្នកថតរូបមានបទពិសោធន៍ជាច្រើនមិនជ្រើសរើសយកវាទេ ដរាបណាគាត់អាចតថ្លៃក្នុងតម្លៃមួយអាចទទួលយកបាន។ អ្នកគួរប្រើប្រាស់កាមេរ៉ាជាមួយ kit lens ប៉ុន្មានសប្ដាហ៍សិន ដើម្បីអាចដឹងពីប្រភេទ Lens ដែលអ្នកត្រូវការសម្រាប់ស្ថានភាពផ្សេងៗ។
ទោះបីជា Lens មានសារៈសំខាន់ផ្សេងគ្នា តែគោលដៅតែមួយ គឺជួយអ្នកសម្រេចបានរូបភាពដែលល្អ។ ការស្វែងរកតួកាមេរ៉ាត្រឹមត្រូវ អាចឲ្យអ្នកស្វែងរកគុណភាពរូបភាព និងល្បឿនក្នុងការប្រតិបត្តិលើកាមេរ៉ា ដែលជួយឲ្យអ្នកកាន់តែរីករាយក្នុងការផ្ដិតរូបភាព៕
ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...
ចុចអានបន្ត ៖