មកស្គាល់ឲ្យច្បាស់ពីប្រភេទយន្តហោះទាំងអស់
- 2017-08-08 08:56:54
- ចំនួនមតិ 0 | ចំនួនចែករំលែក 0
មកស្គាល់ឲ្យច្បាស់ពីប្រភេទយន្តហោះទាំងអស់
ចន្លោះមិនឃើញ
យន្តហោះមានចែកចេញជាច្រើនប្រភេទ និង ច្រើនខ្នាតខុសៗគ្នា ដែលប្រើសម្រាប់ការហោះហើរខុសៗពីគ្នា។ តទៅនេះទៅស្វែងយល់ពីប្រភេទយន្តហោះទាំងអស់ ដែលបានបង្ហាញខ្លួនលើមេឃនាពេលកន្លងមក។
@ Single-Engine Piston
យន្តហោះនេះមានលក្ខណៈដូចជាឈ្មោះរបស់វាអ៊ីចឹង ដោយមានពីស្តុងម៉ាស៊ីនតែមួយប៉ុណ្ណោះ ដែលជាធម្មតាម៉ាស៊ីនបំពាក់នៅផ្នែកខាងមុខ ហើយប្រើប្រាស់ស្លាបចក្រដើម្បីឲ្យយន្តហោះហោះទៅមុខបាន។
@ យន្តហោះដឹកអ្នកដំណើរ
យន្តហោះនេះមានចាប់ពីប្រភេទខ្នាតតូចអាចដឹកមនុស្សបាន ៧ មនុស្សនាក់ដូចជាយន្តហោះ Learjet 35A រហូតដល់ខ្នាតធំដឹកមនុស្សបានរាប់រយនាក់ដូចជា Boeing 777 ជាដើម។
@ Amphibian
យន្តហោះប្រភេទនេះអាចបើកលើទឹកបាន ហើយមានកង់ដែលអាចរត់លើផ្លូវធម្មតា ឬ ផ្លូវស្មៅបានទៀតផង។
@ ឧទ្ធម្ភាគចក្រ
ឧទ្ធម្ភាគចក្រមានបំពាក់ម៉ាស៊ីននៅផ្នែកខាងលើដើម្បីដំណើរការស្លាបចក្រនៅផ្នែកខាងលើឲ្យរង្វិលបាន។ ការបំពាក់ម៉ាស៊ីន និង ស្លាបចក្រពីលើនេះអាចឲ្យយន្តហោះហោះឡើងដោយត្រង់បាន។
@ Tiltrotor
យន្តហោះប្រភេទនេះមានសមត្ថភាពហោះឡើងត្រង់បានដូចជាឧទ្ធម្ភាគចក្រ ប៉ុន្តែអាចហោះបានយ៉ាងលឿនដោយសារតែស្លាបចក្ររបស់វាអាចទ្រេតទៅមុខបានដើម្បីបង្កើតល្បឿនហោះឲ្យលឿន។
@ Ultralight
យន្តហោះប្រភេទនេះមានលក្ខណៈដូចឈ្មោះអ៊ីចឹង គឺមានទម្ងន់ស្រាលបំផុត ដោយមានប្រើសម្រាប់ការកម្សាន្តតែប៉ុណ្ណោះ។
@ Multiengine Piston
យន្តហោះប្រភេទនេះមានពីស្តុងម៉ាស៊ីនពីរ ឬ ច្រើនជាងនេះ ដោយមានល្បឿនលឿន និង ដំណើរការប្រសើរជាងយន្តហោះប្រើម៉ាស៊ីនមួយ ប៉ុន្តែមានតម្លៃថ្លៃ និង ចំណាយច្រើនលើដំណើរការ។
@ Biplane
យន្តហោះនេះមានស្លាបដល់ទៅពីរ ដែលទទួលបានការពេញនិយមជាខ្លាំងមុនសង្គ្រាមលោកលើកទីពីរ ហើយក៏នៅតែមានប្រើប្រាស់មកទល់បច្ចុប្បន្នដែរ។
@ Glider
ប្រភេទយន្តហោះ Glider ប្រើប្រាស់ខ្យល់ និង ឥទ្ធិពលខ្យល់ក្ដៅដើម្បីបង្កើតជាកម្លាំងសម្រាប់ហោះ។ យន្តហោះប្រភេទនេះអាចហោះបានឆ្ងាយ និង ហោះបានខ្ពស់ប្រៀបដូចជាសត្វបក្សីអ៊ីចឹង។
@ Gyroplane
ស្រដៀងនឹងឧទ្ធម្ភាគចក្រដែរ ប៉ុន្តែចំណាយលើប្រតិបត្តិការតិចជាងឧទ្ធម្ភាគចក្រ។ យន្តហោះនេះប្រើប្រាស់ម៉ាស៊ីនមួយ រួមទាំងស្លាបចក្រតូចមានប្រវែងវែង ដើម្បីបង្កើតជាកម្លាំងរុញ និង ទាញ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
