ប្រទេសចំនួន៥ដែលប្រជាជននិយមជិះកង់ច្រើនជាងគេលើលោក
- 2017-08-10 12:25:09
- ចំនួនមតិ 0 | ចំនួនចែករំលែក 0
ប្រទេសចំនួន៥ដែលប្រជាជននិយមជិះកង់ច្រើនជាងគេលើលោក
ចន្លោះមិនឃើញ
បើតាមការសិក្សាស្រាវជ្រាវកាលពីថ្មីៗក្នុងឆ្នាំ ២០១៧ នេះតាមរយៈការស្ទង់មតិជាមួយមនុស្ស ៤៣០០០ នាក់ក្នុង ៥២ប្រទេស របស់គ្រឹះស្ថានស្រាវជ្រាវ Dalia ដែលមានទីតាំងនៅអាល្លឺម៉ង់បានរកឃើញប្រទេសចំនួន ៥ ដែលមានអត្រាអ្នកប្រើប្រាស់កង់ច្រើនជាងគេលើលោក។ ប្រទេសនោះមានដូចជា៖
១.ប្រទេសអាល្លឺម៉ង់៖ ប្រទេសមហាអំណាចអឺរ៉ុបមួយនេះ មានប្រជាជន ១៨ ភាគរយ ឬប្រហែល ១៤ លាននាក់ និយមជិះកង់។
២. ប្រទេសជប៉ុន៖ យក្សអាស៊ីមួយនេះសំបូរណាស់ Tsukin-ists (អ្នកធ្វើការដែលចូលចិត្តជិះកង់ដើម្បីគេចពីភាពកកស្ទះពេលធ្វើចរាចរណ៍ប្រចាំថ្ងៃ) ។ ដោយហេតុនេះហើយ ប្រជាជនជាង ២៤លាននាក់ ឬស្មើនឹង ១៩ភាគរយនៃប្រជាជនសរុបដែលចូលចិត្តជិះកង់។
៣. ប្រទេសស៊ុយអែត៖ ជាមួយនឹងការធ្វើផ្លូវសម្រាប់អ្នកធ្វើដំណើរតាមកង់ មានប្រជាជនប្រមាណ ១៩ ភាគរយ ឬ ជាង ២លាននាក់ ចូលចិត្តប្រើកង់ជាមធ្យោបាយធ្វើដំណើរក្នុងប្រទេសអឺរ៉ុបអ្នកមានមួយនេះ។
៤. ប្រទេសដាណឺម៉ាក៖ ប្រទេសនេះមានប្រវត្តិយូរលង់ណាស់ហើយ ជាមួយនឹងការជិះកង់តាំងពីអំឡុងឆ្នាំ ១៨០០ មកម្ល៉េះ។ តាមការស្រាវជ្រាវរបស់ Dalia មានអ្នកនិយមជិះកង់ជាង ១.៥លាននាក់ ដែលប្រមាណជា ២៩%នៃប្រជាជនសរុបក្នុងប្រទេសអឺរ៉ុបប៉ែកខាងជើងមួយនេះ។
៥. ប្រទេសហូឡង់៖ ជាមួយនឹងការវិនិយោគទុនដ៏ច្រើនសន្ធឹកសន្ធាប់លើការកសាងផ្លូវសម្រាប់អ្នកជិះកង់ ប្រទេសនេះក្លាយជាប្រទេសមួយ ដែលមានសុវត្ថិភាពបំផុតក្នុងការជិះកង់នៅក្នុងលោក ហើយអ្នកចូលចិត្តជិះកង់វិញមានរហូតដល់ទៅ ៣៩% ឬប្រហែល ៦.៥ លាននាក់ នៅក្នុងប្រទេសក្នុងទ្វីបអឺរ៉ុបមួយនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
