ជំនឿចិត្តខ្ពស់! គ្រូតេក្វាន់ដូមកពីកូរ៉េសង្ឃឹមឈ្នះមេដាយមាស២ពីស៊ីហ្គេម

2017-08-11 23:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្វឹកតេក្វាន់ដូជម្រើសជាតិកម្ពុជាសញ្ជាតិកូរ៉េសង្ឃឹមឈ្នះមេដាយមាស២គ្រឿងពីព្រឹត្តិការណ៍កីឡាស៊ីហ្គេមនៅប្រទេសម៉ាឡេស៊ីដែលនឹងចាប់ផ្តើមនាពេលដ៏ខ្លីខាងមុខនេះដោយមិនខ្វល់ពីមេដាយប្រាក់ ឬសំរឹទ្ធឡើយ។

លោក Chio Yongsok

លោក Chio Yongsok គ្រូតេក្វាន់ដូជម្រើសជាតិកម្ពុជាជាប់កិច្ចសន្យារបស់ក្រសួងអប់រំ យុវជន និងកីឡាបានលើកឡើងថា លោកជឿជាក់លើក្រុមតេក្វាន់ដូកម្ពុជាធ្វើបានល្អ និងសង្ឃឹមមេដាយមាស២គ្រឿង។ លោកមិនគិតពីមេដាយប្រាក់ ឬសំរឹទ្ធឡើយ ប៉ុន្តែលោកគិតជាចម្បងគឺមេដាយមាសតែម្តង។

ផ្នែកលើការរំពឹងខ្ពស់បែបនេះ គ្រូបង្វឹកមកពីរ៉េខាងត្បូងលើកឡើងថា ព្រឹត្តិការណ៍កីឡាស៊ីហ្គេមមានតែ១១ប្រទេស ហើយប្រទេសដែលខ្លាំងខាងតេក្វាន់ដូមានថៃ វៀតណាម ហ្វីលីពីន និងឥណ្ឌូណេស៊ី ហើយកម្ពុជាក៏ខ្លាំងដែរ។ ប៉ាន់ ខេមរាសង្ឃឹមច្រើនដោយសារមានបទពិសោធច្រើនទាំងការប្រកួតកម្រិតតំបន់ និងពិភពលោក ខណៈកីឡាករ វ៉ាន់ ឬទ្ធី ប្រកួតក្នុងប្រភេទទម្ងន់ក្រោម៧៤គីឡូក្រាមជាប់ជម្រើសជាតិយូរហើយ ហើយក្នុងប្រភេទទម្ងន់នេះគឺរូបគេសង្ឃឹមខ្ពស់។

ចំពោះកីឡាការិនី ស៊ន សៀវម៉ីល្អច្រើនណាស់បូករួមទាំងកម្ពស់មានអំណោយផល បទពិសោធកម្រិតតំបន់ និងពិភពលោកក៏ច្រើន ដូច្នេះលោកសង្ឃឹមលើសៀវម៉ីរហូត៩៩ភាគរយ។ ទោះបីជាយ៉ាងណា លោកបារម្ភខ្លះចំពោះកីឡាការិនីរូបនេះដោយសារនៅមានបញ្ហាជង្គង់។ លោកបញ្ជាក់ថា និយាយជារួម ក្រុមកីឡាតេក្វាន់ដូកម្ពុជាត្រៀមខ្លួនបានល្អ និងរយៈពេលវែងក្នុងការហ្វឹកហាត់ហើយដើម្បីចូលរួមព្រឹត្តិការណ៍កីឡាស៊ីហ្គេម។

ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង