បុរសអេស្ប៉ាញម្នាក់ បាញ់ថៃចុកៗរឿងគ្មានអនាម័យ
- 2017-08-11 12:51:42
- ចំនួនមតិ 0 | ចំនួនចែករំលែក 0
បុរសអេស្ប៉ាញម្នាក់ បាញ់ថៃចុកៗរឿងគ្មានអនាម័យ
ចន្លោះមិនឃើញ
វីដេអូរបស់បុរសសញ្ជាតិអេស្ប៉ាញជាភ្ញៀវទេសចរម្នាក់ បានល្បីពេញបណ្ដាញសង្គម បន្ទាប់ពីបុរសរូបនេះបានរិះគន់ចំៗអំពីបញ្ហាសំរាមនៅតំបន់ទេសចរណ៍ឆ្នេររបស់ប្រទេសថៃ ហើយបានប្រាប់ប្រជាជនប្រទេសនេះថាឲ្យកែប្រែ បើមិនអញ្ចឹងទេ ចំណូលពីវិស័យទេសចរណ៍នឹងត្រូវបាត់បង់។
ភ្ញៀវទេសចររូបនេះមានឈ្មោះថា Albaro Perreiro បានសម្ដែងការខកចិត្តរបស់ខ្លួនចំពោះប្រទេសថៃ ដោយសារតំបន់ឆ្នេរដែលគេទៅលេង សម្បុរទៅដោយសំរាម កន្ទុយបារី ថង់ប្លាស្ទិក ព្រមទាំងក្រដាសជាច្រើន។ Albaro បាននិយាយថា "ឥឡូវអ្នកឯង (ប្រជាជនថៃ) រកលុយបានច្រើនណាស់ពីវិស័យទេសចរណ៍ ចំណូលពីវិស័យនេះមានលក្ខណៈខ្ពស់ណាស់។"
ជាមួយនឹងសំលៀកបំពាក់ខោខ្លី អាវយឺត អមនឹងវ៉ែនតាផង បុរសរូបនេះបានបន្តទៀតថា "ប៉ុន្តែក្នុងរយៈពេល ១០ឆ្នាំទៅមុខទៀត អ្នកឯងនឹងមិនមានឋានសួគ៌ (កន្លែងទេសចរណ៍ស្អាតៗ) ដូចដែលអ្នកឯងមានដូចសព្វថ្ងៃនេះទេ"។លោកចង់បញ្ជាក់ក្នុងន័យថា បើស្ថានភាពនៃការចោលសំរាមបែបនេះនៅតែបន្ត នាពេល១០ឆ្នាំខាងមុខទៀតនឹងមិនមានភ្ញៀវទេសចរច្រើន មកលេងនៅទីនោះទៀតទេ ដែលធ្វើឲ្យបាត់បង់ចំណូលពីវិស័យឧស្សាហកម្មគ្មានផ្សែងមួយនេះ។
វីដេអូរិះគន់នេះត្រូវបានគេចែករំលែកជាច្រើនក្នុងបណ្ដាញសង្គមក្នុងប្រទេសថៃ។ បុរសអេស្ប៉ាញនាពេលចុងបញ្ចប់នៃវីដេអូបានសង្ឃឹមថា វីដេអូខ្លីរបស់ខ្លួនមួយនេះ នឹងបានទៅដល់អ្នកមានអំណាចក្នុងប្រទេសថៃ ដើម្បីឲ្យពួកគេរកវិធានការដោះស្រាយបញ្ហាមួយនេះ។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
