ខែលការពារមីស៊ីលអាមេរិក ដំណើរការដូចម្ដេចខ្លះដើម្បីប្រឆាំងកូរ៉េខាងជើង?

2017-08-15 07:47:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ហេតុផលមួយក្នុងចំណោមហេតុផលដែលសហរដ្ឋអាមេរិកនិងកូរ៉េខាងជើងផ្ដោះផ្ដងវោហារសាស្ត្រក្ដៅគគុកទៅវិញទៅមក គឺការដំឡើងប្រព័ន្ធការពារដែនអាកាស THAAD នៅក្នុងប្រទេសកូរ៉េខាងត្បូង។

ប្រព័ន្ធការពារដែនអាកាស THAAD

ប៉ុន្តែប្រព័ន្ធ THAAD នេះមិនមែនជាប្រព័ន្ធការពារមីស៊ីលតែមួយគត់ ដែលអាមេរិកមាននៅក្នុងតំបន់អាស៊ីប៉ាស៊ីហ្វិកនោះទេ។ នៅមានប្រព័ន្ធការពារមីស៊ីលពីរទៀតគឺប្រព័ន្ធ Aegis និងប្រព័ន្ធ Patriot។

THAAD ត្រូវបានបង្កើតឡើងដើម្បីបាញ់ទម្លាក់មីស៊ីលឆ្លងទ្វីបចម្ងាយខ្លីនិងមធ្យមក្នុងដំណាក់កាលចុងក្រោយនៃការហោះហើររបស់មីស៊ីល។ វាមានប្រព័ន្ធរ៉ាដាដ៏ខ្លាំងក្លាមួយ ដែលអាចផ្ដល់ការព្រមានជាលើកដំបូងអំពីមីស៊ីលដែលបាញ់ចេញពីកូរ៉េខាងជើង។

នៅពេលណាដែលប្រព័ន្ធ THAAD រកឃើញការបាញ់មីស៊ីល ជើងទម្ររបស់វានឹងបញ្ជូនទិន្នន័យតាមដានតាមរយៈរ៉ាដា ទៅនាវាចម្បាំងរបស់កងទ័ពជើងទឹកអាមេរិក ដែលបំពាក់ដោយប្រព័ន្ធការពារមីស៊ីល Aegis ដែលកំពុងបើកលើសមុទ្ររវាងកូរ៉េខាងត្បូងនិងជប៉ុន។ ប្រព័ន្ធ Aegis នឹងបាញ់ស្ទាក់ចាប់នូវមីស៊ីលនៅកណ្ដាលអាកាស។

ប្រព័ន្ធ Aegis

ប្រសិនបើប្រព័ន្ធ Aegis បរាជ័យ នោះទិន្នន័យរ៉ាដារបស់វា និងទិន្នន័យរបស់ប្រព័ន្ធ THAAD នឹងត្រូវបានបញ្ជូនទៅជើងទម្រកាំជ្រួច Patriot ដែលធ្លាប់បានសាកល្បងរួចហើយនៅក្នុងសង្គ្រាមឈូងសមុទ្រពែក្សនៅឆ្នាំ ១៩៩១ និងសង្គ្រាមអ៊ីរ៉ាក់នៅឆ្នាំ ២០០៣។

ជើងទម្រកាំជ្រួច Patriot

ការគ្រប់គ្រងប្រតិបត្តិការពេលសង្គ្រាមគឺស្ថិតនៅក្នុងដៃរបស់សហរដ្ឋអាមេរិក ទោះបីជារដ្ឋាភិបាលកូរ៉េខាងត្បូងកំពុងប្រឹងប្រែង ដើម្បីយកការគ្រប់គ្រងត្រឡប់មកវិញក៏ដោយ៕

ប្រភព ៖ rasmeinews.com