Barcelona នឹង​ពាក់​ស្លាក​ដៃ​ពណ៌​ខ្មៅ​កាន់​ទុក្ខ​នៅ​ការប្រកួត​បើក​ឆាក​ La Liga នៅ​សប្ដាហ៍​នេះ​ដើម្បី​កាន់​ទុក្ខ​ដល់​ជនរងគ្រោះ​ស្លាប់​ក្នុង​អំពើ​ភេរវកម្ម​នៅ​ទីក្រុង​របស់​ពួកគេ​កាល​ពី​យប់​មិញ។

ដោយឡែកគូប្រកួតដទៃ​ទៀត​ក៏នឹងចូលរួម​​កាន់​ទុក្ខ​ដល់​ជន​រងគ្រោះ​ដែរ ហើយ​មុន​​ប្រកួត​នឹង​មាន​ការ​ស្មិងស្មាធិ៍​មួយ​នាទី​ដើម្បី​គោរព​វិញ្ញាណក្ខន្ធ​។ ក្រៅ​ពី​ក្លឹប​គេ​ឃើញ​កីឡាករ​ល្បី​ៗ​ជា​ច្រើន​សុទ្ធ​តែ​ចូល​រួម​កាន់​ទុក្ខ ដល់​អំពើ​វាយ​ប្រហារ​លើ​ជន​ស្លូត​ត្រង់​ខាង​លើ​នោះ​ តួ​យ៉ាង​ Messi, Suarez, Neymar និង​ Ronaldo សុទ្ធ​តែ​បង្ហោះ​សារ​លើ​គណនី​បណ្ដាញ​សង្គម​របស់​ខ្លួន។

សូម​បញ្ជាក់​ថា​កាល​ពី​យប់​មិញ​មាន​ហេតុការណ៍​បើក​រថយន្ត​ដឹក​ទំនិញ​បុក​រះ​អ្នក​ទេសចរ​នៅ​តំបន់​ Las Ramblas ទីក្រុង​ Barcelona បណ្ដាល​ឲ្យ​មនុស្ស​១៣​នាក់​បាន​បាត់​បង់​ជីវិត​ និង​៨០​នាក់​ផ្សេង​ទៀត​រង​របួស៕

ប្រភព៖ Dailymail   ប្រែ​សម្រួល៖ វីរ័ត្ន