ផល សោភ័ណ្ឌចង់បានក្របខ័ណ្ឌរដ្ឋគ្រាន់បានចំណូលពេលឈប់វ៉ៃ
- 2017-08-18 04:32:03
- ចំនួនមតិ 0 | ចំនួនចែករំលែក 0
ផល សោភ័ណ្ឌចង់បានក្របខ័ណ្ឌរដ្ឋគ្រាន់បានចំណូលពេលឈប់វ៉ៃ
ចន្លោះមិនឃើញ
អ្នកប្រដាល់ល្បីឈ្មោះរបស់កម្ពុជា និងជាកីឡាករដែលសំបូរស្នៀតប្រយុទ្ធ ផល សោភ័ណ្ឌ ប្រាប់ពីបំណងប្រាថ្នារបស់ខ្លួនមួយ គឺចង់ធ្វើជាប៉ូលិស ឬកងរាជអាវុធហត្ថ ព្រោះខ្លួនស្រឡាញ់ការងារនេះ ហើយណាមួយអាចជាចំណូលពេលខ្លួនឡើងវ៉ៃលែងកើត។
កីឡាករ ផល សោភ័ណ្ឌ បានឲ្យដឹងថា បន្តិចទៀតទៅអាជីពជាអ្នកប្រដាល់ នឹងត្រូវផ្អាកដោយសារកម្លាំងធ្លាក់ចុះ ឬវ័យកាន់តែចាស់មិនអាចឡើងប្រកួតបាន។ បំណងប្រាថ្នាដែលក្នុងជីវិតរបស់គេដែលមានមិនទាន់បានសម្រេចនោះ គឺចង់ក្លាយជាមន្ត្រីប៉ូលិស ឬជាកងរាជអាវុធហត្ថ ដែលអាចនៅបម្រើដល់ប្រជាពលរដ្ឋ។ ការងារនេះអាចជាចំណូលសម្រាប់ផ្គត់ផ្គង់ដល់ជីវភាពគ្រូនៅពេលខ្លួនមិនអាចបន្តអាជីពឈឺខ្លួនមួយនេះទៀតបាន។
អ្នកប្រដាល់ជួរមុខរបស់កម្ពុជារូបនេះបន្តទៀតថា ប៉ុន្តែបំណងប្រាថ្នាមួយនេះ នៅមិនទាន់បានសម្រេចនៅឡើយទេ ដោយខ្លួនមិនមានឱកាសបានចូលនោះទេ ហើយប្រសិនបើមានអ្នកចូលចិត្តវិស័យប្រដាល់ ឬអ្នកគាំទ្រណាមួយអាចជួយដល់ខ្លួនបាននោះ សោភ័ណ្ឌ ពិតជាអរគុណ ព្រមទាំងរីករាយនឹងចូលធ្វើតែម្ដង។
ផល សោភ័ណ្ឌ ជាអ្នកប្រដាល់ល្បីឈ្មោះមួយរូបនៅកម្ពុជា ដែលរាល់ការប្រកួតរបស់គេ គឺភាគច្រើនជួបជាគូឯក ឬជួបនិងបរទេសនោះទេ។ បច្ចុប្បន្ននេះគេជាប់ជាកីឡាករជម្រើសជាតិខាងប្រដាល់សកលកម្ពុជា ហើយនឹងត្រូវចេញទៅប្រទេសម៉ាឡេស៊ី ដើម្បីប្រជែងយកមេដាយក្នុងព្រឹត្តិការស៊ីហ្គេម លើកទី២៩ នេះផងដែរ៕