តោះ! រៀនប្រើប្រាស់កម្មវិធី Viber បើមិនទាន់ចេះប្រើ

2017-08-19 02:25:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពី Facebook, WhatsApp និង Telegram Viber ជាបណ្តាញសង្គមមួយដែលមានការគាំទ្រពីអ្នកប្រើប្រាស់ជាច្រើនជុំវិញពិភពលោក។ បង្កើតដំបូងដោយក្រុមហ៊ុនអ៊ីស្រ្តាអែល កម្មវិធីនេះអាចឲ្យអ្នកប្រើប្រាស់ខលគ្នានៅលើប្រព័ន្ធអ៊ីនធឺណិត, ផ្ញើសារជាអក្សរ, រូបភាព, វីដេអូ សម្រាប់ការទំនាក់ទំនងគ្នា។

សប្ដាហ៍នេះ Sabay បង្ហាញពីការចុះឈ្មោះនិងប្រើប្រាស់ Viber ឲ្យបានស្ទាត់ជំនាញ។

១.ការចុះឈ្មោះ Viber

ដំបូងទាញយកកម្មវិធី Viber ពី App Store និង Play Store ជាមុនសិន
បើកកម្មវិធី Viber > ចុច Continue
ត្រង់ Your Contry សូមរើសយក Cambodia (+855) > វាយបញ្ចូលលេខទូរសព្ទផ្ទាល់ខ្លួន
ចូលផ្ទាំងមួយទៀត អ្នកត្រូវវាយបញ្ចូលកូដសម្ងាត់ដែលទទួលបានតាមរយៈ Message ដែល Viber ផ្ញើឲ្យ
ដល់ផ្ទាំងបំពេញឈ្មោះនិងរូបភាព (Profile) សូមដាក់តាមចិត្ត ហើយចុច Continue។

២.ការប្រើប្រាស់ Viber (លើស្មាតហ្វូន)

+វិធីធ្វើការ Call ទៅកាន់នរណាម្នាក់

ចូលដល់ផ្ទាំងថ្មីមួយ នឹងឃើញជម្រើសជាច្រើននៅផ្នែកខាងក្រោម សូម Select យកទីតាំង Contacts > លេខទូរសព្ទណាដែលអ្នកប្រើប្រាស់ Viber នឹងលោតបង្ហាញស្វ័យប្រវត្តិក្នុងទីតាំង Contact នេះ ហើយអ្នកត្រូវ Select យកនរណាម្នាក់
វានឹងបង្ហាញជម្រើស ២ រវាង Free Call និង Free Text > សូមរើសយក Free Call (ករណីបើលោតផ្ទាំងមួយសួរបញ្ជាក់នៃការតភ្ជាប់ Microphone សូមចុច OK)

-អាចចូលទៅកាន់ Option Calls ដែលមាននៅផ្នែកខាងក្រោម > ចុចលើ Open Keypad > វាយបញ្ចូលលេខទូរសព្ទបុគ្គលម្នាក់ទៀតដោយផ្ទាល់ក៏បាន (ប៉ុន្តែវានឹងទំនាក់ទំនងទៅតែបុគ្គលណាដែលភ្ជាប់លេខនោះជាមួយកម្មវិធី Viber ប៉ុណ្ណោះ)។

+វិធីផ្ញើសារជាមួយ Viber

ចុចលើទីតាំង Chats នៅខាងក្រោម > មើលផ្នែកខាងលើចំហៀងខាងឆ្វេង ចុចនៅលើនោះ ហើយរើសយកគណនីបុគ្គលណាម្នាក់ រួចចុច Done
អ្នកអាចធ្វើការផ្ញើសារជាអក្សរ, រូបភាព, វីដេអូជាដើម ដោយមុខងារប្រើប្រាស់របស់វាស្រដៀងទៅនឹង Messenger, Telegram អ៊ីចឹងដែរ។

៣.ការប្រើប្រាស់ Viber (លើកុំព្យូទ័រ)

បើក Browser ណាមួយ > រួចចូលទៅកាន់ Link នេះ (https://www.viber.com/)
កម្មវិធី Viber លើ Desktop ក៏ទាមទារឲ្យអ្នកធ្វើការចុះឈ្មោះដូចទៅនឹងទូរសព្ទដែរ (ករណីនេះអ្នកអាចប្រើប្រាស់លេខតែមួយក៏បាន)
អ្នកអាចប្រើមុខងារ Free Call ឬ Video Call និងផ្ញើសារអ្វីជាដើម បានដូចទៅនឹងស្មាតហ្វូន។

៤.អត្ថប្រយោជន៍និងគុណវិបត្តិនៃ Viber

+អត្ថប្រយោជន៍

អាចធ្វើការទំនាក់ទំនងជាមួយបុគ្គលទូទាំងពិភពលោកដែលប្រើប្រាស់ Viber
ធ្វើការផ្ញើសារអក្សរ, រូបភាព, វីដេអូរហ័សនិងងាយស្រួល
អាចផ្ញើឯកសារចេញពីកុំព្យូទ័រ ដោយប្រើប្រាស់ Viber Desktop
គាំទ្រទាំងប្រព័ន្ធ iOS, Android និង Windows

+គុណវិបត្តិ:

គ្មានមុខងារ Call Blocking ដែលហាមឃាត់ការរំខានពីបុគ្គលណាម្នាក់
បើប្រព័ន្ធ Wi-Fi ឬ 3G ចុះអន់ថយ គុណភាពសំឡេងក៏ធ្លាក់ចុះច្រើន
ទាមទារឲ្យធ្វើការ Install និង Register សារជាថ្មី ករណីអ្នកប្ដូរលេខទូរសព្ទ។

រំឭកថា Viber ជាកម្មវិធីមួយដែលដំបូងឡើយបង្កើតដោយក្រុមហ៊ុនប្រទេសអ៊ីស្រាអែល Viber Media ប៉ុន្តែក្រោយមកក៏ទិញយកដោយក្រុមហ៊ុនប្រទេសជប៉ុន Rakuten Inc.។ ដាក់ឲ្យប្រើប្រាស់ជាផ្លូវការនៅថ្ងៃទី ២ ធ្នូ ឆ្នាំ ២០១០ ហើយគិតត្រឹមចុងឆ្នាំ ២០១៦ មានអ្នកប្រើប្រាស់សរុប ៨០០ លាននាក់។

Viber ដាក់ឲ្យទាញយកឥតគិតថ្លៃគ្រប់ជំនាន់ ហើយគាំទ្រដល់ទៅ ៣០ ភាសាឯណោះ។

អត្ថបទ៖ កៅ រក្សា

ពាក្យទាក់ទង

កៅ រក្សា

អត្ថបទពេញនិយម

មកដឹងពីអាហារផ្ដល់សុខភាពរាងកាយ ការពារពីការឆ្លងវីរុសផ្សេងៗ

LDA White ចេញ បទ "អូសវ៉ាលី-OS VALI" កំពុងល្បីខ្លាំង ស្ដាប់ហើយញ័រជើង

Ronaldo ៖ ជំហានដំបូងគឺខ្ញុំផ្ដោតលើការរកគ្រាប់បាល់ និងជ័យជម្នះ

ខួបលើកទី១៥ នៃកម្មវិធី មហោស្របរូបថតភ្នំពេញ២០២៤ ឆ្នាំនេះធ្វើនៅខេត្តសៀមរាប

កម្ពុជា អាចមានភ្លៀងធ្លាក់ រយៈពេល៣ថ្ងៃ

Pep ៖ កីឡាករឈឺចាប់ជាងអ្នកណាទាំងអស់នៅពេលក្រុមទទួលបានលទ្ធផលបរាជ័យផ្ទួនៗដូច្នេះ

អត្ថបទថ្មី

ប្រុសខួច ប្ដូររូបភាព Profile facebook ជាមួយរឿងដែលមានចំណងជើងដ៏ចម្លែក!

Robert Lewandowski ក្លាយជាកីឡាករទី៣ដែលរកបាន១០០គ្រាប់នៅ UCL

ធនាគារ វីង និងក្រសួងអប់រំយុវជននិងកីឡា អបអរសាទរបេក្ខជនជ័យលាភី ‘សហគ្រិនភាពប៉ិនប្រសប់វ័យក្មេង’

ប្រកាសបើកលក់ជាផ្លូវការហើយ Angkor Sky រសជាតិថ្មី ស្រស់ ស្រាល ស្រួល ពិសាឆ្ងាញ់

ស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា