លោក Leo ថាកម្ពុជាចាញ់ មកពីកីឡាករដដែលបង្កើតកំហុសដដែលៗ
- អាទិត្យ, 20 សីហា 2017 23:01
- ចំនួនមតិ 0 | ចំនួនចែករំលែក 0
លោក Leo ថាកម្ពុជាចាញ់ មកពីកីឡាករដដែលបង្កើតកំហុសដដែលៗ
ចន្លោះមិនឃើញ
លោក Leonardo Vitorino គ្រូបង្វឹក U22 កម្ពុជាបាននិយាយក្រោយចាញ់ក្រុមថៃ ៣- ០ កាលយប់មិញថាបរាជ័យនេះមកពីកីឡាករដដែល បានបង្កើតកំហុសដដែលៗ បូកផ្សំជាមួយកីឡាករកម្ពុជាក្មេងៗថែមទៀតនោះទើបមិនអាចរកជ័យជម្នះបាន។
កម្ពុជាលេងបើកឆាកតង់ទី១ ពិតជាបានល្អ ដោយអាចរក្សាការគ្រប់គ្រងបាល់សឹងតែច្រើនជាងខាងក្រុមថៃទៅទៀត។ តែគួរឲ្យសោកស្ដាយដោយសារតែខាងកម្ពុជាបង្កកំហុសទើបបណ្ដាលឱ្យភាគីថៃមានឱកាសយកជ័យជម្នះបានតែម្ដង។ លោក Leonardo យល់ឃើញថានេះជាកំហុសដែលកីឡាករដដែលៗ បានបង្កើតឡើយ។ ខណៈដែលក្រោយពី សុក សំណាងបានកាតក្រហម ទម្រង់កម្ពុជាមានការផ្លាស់ប្ដូរច្រើន ស្របពេលខាងថៃវិញកាន់តែលេងល្អជាងមុនទៀត ធ្វើឱ្យគោព្រៃកម្ពុជាមិនអាចធ្វើអ្វីបាននោះទេ។
ចំពោះរឿងកីឡាករដដែល បង្កើតកំហុសដដែលៗនេះដែរ គ្រូបង្វឹកសញ្ជាតិប្រេស៊ីលមិនបានបញ្ជាក់ឈ្មោះនោះទេ ប៉ុន្តែលោកនឹងប្រឹងប្រែងកែប្រែស្ថានការណ៍នោះមកវិញនៅប្រកួតបន្ទាប់។ ត្បិតតែធ្លាក់ត្រឹមវគ្គចែកពូលមែន ប៉ុន្តែនេះជាជំហានមួយសម្រាប់កម្ពុជាឆ្ពោះទៅថ្ងៃអនាគត ដោយសារតែកីឡាករកម្ពុជាក្មេងៗច្រើន អាចនឹងមានឱកាសលេងបានច្រើនក្នុងព្រឹត្តិការណ៍ស៊ីហ្គេមនាពេលបន្ទាប់។
២ប្រកួតបង្គ្រប់កិច្ចរបស់កម្ពុជា នឹងត្រូវតតាំងជាមួយក្រុមទីម័រនៅថ្ងៃទី២២ និងប៉ះជាមួយក្រុមឥណ្ឌូនេស៊ីនៅថ្ងៃទី២៤ខាងមុខនេះ។
ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
