មូលហេតុនេះតើ បានជាក្រុមបាល់ទះកម្ពុជា ចាញ់៣-០ ២ប្រកួតជាប់គ្នា
- 2017-08-24 01:21:00
- ចំនួនមតិ 0 | ចំនួនចែករំលែក 0
មូលហេតុនេះតើ បានជាក្រុមបាល់ទះកម្ពុជា ចាញ់៣-០ ២ប្រកួតជាប់គ្នា
ចន្លោះមិនឃើញ
ព្រឹត្តិការណ៍ ស៊ីហ្គេមលើកទី២៩នៅម៉ាឡេស៊ីនេះ ក្រុមកីឡាបាល់ទះកម្ពុជាមិនទាន់រកឃើញជ័យជម្នះនៅឡើយទេ ដោយ២ប្រកួតកន្លងមកចាញ់ទាំងពីរប្រកួត។
បើកឆាកប៉ះម្ចាស់ផ្ទះម៉ាឡេស៊ី កម្ពុជាចាញ់ក្នុងលទ្ធផល ៣-០ ហើយប្រកួតបន្ទាប់មកទៀតបន្ដចាញ់ក្រុមជិតខាងថៃក្នុងលទ្ធផល ៣-០ ដូចគ្នា។ លទ្ធផលនេះដែរ ធ្វើឱ្យអ្នកគាំទ្រនិងគ្រូបង្វឹកហាក់មិនពេញចិត្តនោះទេ ត្បិតអីកម្ពុជាមានក្ដីរំពឹងខ្ពស់ជាងនេះហើយពេលហ្វឹកហាត់ក៏ធ្វើបានល្អជាងពេលប្រកួតច្រើនដែរ។
បើតាមលោក សាន សុខរេន ដែលជាគ្រូបង្វឹកបានឱ្យដឹងដូច្នេះថាក្រុមទាំងមូលបានហ្វឹកហាត់រយៈពេល៦ខែ ប៉ុន្តែពួកគេនៅខ្វះបទពិសោធក្នុងការប្រកួតធំៗច្រើន។ កីឡាករលើកនេះ ភាគច្រើនជាកីឡាករថ្មី ខ្វះការប្រកួតនៅប្រទេស ខណៈដែលការហ្វឹកហាត់កន្លងមកក៏មិនបានទៅប្រកួតនៅឯណាដែរ ដូច្នេះទើបពួកគេហាក់មិនទាន់តាំងអារម្មណ៍បានល្អ។
បន្ថែមពីលើនេះដែរ លោកបន្ដថានៅពេលប៉ះជាមួយក្រុមមីយ៉ាន់ម៉ានាប្រកួតក្រោយ នឹងប្រាប់កីឡាករឱ្យបានតាំងចិត្តខ្ពស់ រក្សាអារម្មណ៍លេងដោយទំនុកចិត្តទើបទទួលបានជ័យជម្នះ។ បើទោះជាមិនបានឡើងទៅវគ្គបន្ដ ប៉ុន្តែត្រូវលេងឱ្យឈ្នះដើម្បីអ្នកគាំទ្រកម្ពុជា។
ស្រដៀងគ្នាទៅនឹងគ្រូខាងលើដែរ គ្រូបង្វឹកខាងថៃក្រោយពីយកឈ្នះក្រុមកម្ពុជាបានបង្ហាញចំណាប់អារម្មណ៍កម្ពុជាត្រូវស្វែងរកកីឡាករបន្ថែមទៀតដែលមានកម្ពស់ល្អៗ ហើយឱ្យពួកគេចេញប្រកួតនៅក្រៅប្រទេសឱ្យបានច្រើន។ បទពិសោធក្រៅប្រទេសគឺពិតជាល្អខ្លាំងសម្រាប់កីឡាករ ប្រសិនណាបើចង់ឱ្យពួកគេលេងដោយគ្មានការភ័យខ្លាច៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
