ស្ងាត់ៗ! Spurs ទិញបានខ្សែការពារម្នាក់ បំបែកកំណត់ត្រាក្លឹប

2017-08-24 02:57:52
ចំនួនមតិ 0 | ចំនួនចែករំលែក 0

ចន្លោះមិនឃើញ

Tottenham Hotspur បានប្រកាសឲ្យដឹងថា ពួកគេទិញបានខ្សែការពារ Davinson Sanchez ពីក្រុម Ajax ក្នុងតម្លៃបំបែកកំណត់ត្រាក្លឹប៤២លានផោន។

Sanchez វ័យ២១ឆ្នាំចូលរួមជាមួយក្រុមមានមូលដ្ឋាននៅទីក្រុងឡុងដុងមួយនេះក្នុងកិច្ចសន្យារយៈពេល៦ឆ្នាំ ហើយនឹងពាក់អាវលេង៦។ កីឡាករសញ្ជាតិកូឡុំប៊ីក៏បានបង្ហោះរូបកាន់អាវថ្មីនៅលើបណ្ដាញសង្គមរបស់ខ្លួនផងដែរ កាលពីម្សិលមិញ។

៤២លានផោនគឺបានបំបែកកំណត់ត្រាផ្ទេររបស់ Spurs ធ្លាប់ចំណាយទិញ Moussa Sissoko ៣០លានផោនកាលពីឆ្នាំមុនពីក្រុម Newcastle។ Sanchez ជាកីឡាករទី២ដែលបានមកកាន់ Tottenham នៅរដូវកាលនេះ បន្ទាប់ពីពួកគេបានទិញអ្នកចាំទី Paulo Gazzaniga ពី Southampton ទុកជាដៃទី៣។

Davinson Sanchez ដែលទើបតែផ្ទេរទៅ Ajax កាលពីរដូវកាលមុនគឺជាកីឡាករឆ្នើមរបស់ក្រុម ដោយបានបង្ហាញខ្លួន៣២ប្រកួតរកបាន៦គ្រាប់ក្នុងលីគ និងជួយក្រុមរងជើងឯក Europa League ចាញ់ក្រោមថ្វីជើង Man Utd ២-០។ ហើយគេក៏ជាម្ចាស់ពាន Player of The Year នៅហូឡង់កាលពីរដូវកាលមុនផងដែរ៕

ទស្សនាបច្ចេកទេសលេងរបស់ Davinson Sanchez ល្អប៉ុណ្ណាទើបថ្លៃបែបនេះ