នារីថៃល្បីឈឺធ្មេញរហូតហើមថ្ពាល់ម្ខាង បានលាចាកលោកហើយ

2017-08-28 01:55:36
ចំនួនមតិ 0 | ចំនួនចែករំលែក 0

ចន្លោះមិនឃើញ

នារីជនជាតិថៃដ៏ស្រស់ស្អាតដែលល្បីថា មានអាការៈឈឺធ្មេញជាច្រើនថ្ងៃរហូតធ្វើឲ្យថ្ពាល់ម្ខាងហើមប៉ោង និងក្រោយមកគ្រូពេទ្យប្រាប់ថា កើតមហារីកឆ្អឹង បានទទួលមរណភាពហើយកាលប៉ុន្មានថ្ងៃកន្លងទៅនេះ។

Jenie Yoo អាយុ ២៨ឆ្នាំ ដំបូងនាងគិតថា ជាការឈឺធ្មេញតិចតួច ប៉ុន្តែក្រោយមកឲ្យគ្រូពេទ្យពិនិត្យមើលកាលពីឆ្នាំមុនទើបដឹងថា កើតជំងឺមហារីកឆ្អឹង។ ដុំមហារីកនេះបានធ្វើឲ្យប៉ោងមុខម្ខាង ទាញច្រមុះ ទាញភ្នែកវៀចម្ខាងៗទៀតផង។

ធ្លាប់តែជានារីស្រស់ស្អាត ពេលសាច់ដុះធំឡើងៗ នាងបានបង្ហោះរូបថតទៅលើបណ្ដាញសង្គមសូមឲ្យមហាជនជួយរកការងារឲ្យនាងធ្វើ ដើម្បីកាត់បន្ថយការចំណាយរបស់គ្រួសារ។

ដំបូង អ្នកប្រើប្រាស់បណ្ដាញសង្គមគ្មាននរណាជឿថា នាងប្រែប្រួលទៅជាជំងឺកាចសាហាវយ៉ាងនេះឡើយ ដោយបានចំអកឲ្យនាង និងចោទនាងថា កាត់តរូបដើម្បីបោកប្រាស់សាធារណជន។ ដើម្បីឆ្លើយតបនឹងការឌឺដង នាងបានថតវីដេអូពន្យល់ពីស្ថានភាពជំងឺដែលបានបំផ្លាញជីវិតនាង ហើយគ្រប់គ្នាក៏ព្រមជឿ និងបានជួយគ្នារៃអង្គាសប្រាក់ផងដែរ។

បន្ទាប់ពីព្យាបាល ជំងឺរបស់នាងបានធូរស្រាលបន្តិច ប៉ុន្តែក្រោយមកក៏ដុំសាច់ប្រែជារីកធំឡើងៗបណ្ដាលឲ្យហូរឈាមតាមច្រមុះ និងជ្រុះធ្មេញម្ដងមួយៗ។ ពិធីបុណ្យសពនាង បានប្រារព្ធធ្វើឡើងកាលពីថ្ងៃសៅរ៍កន្លងទៅ៕