Liverpool កំពុងតាមទិញយ៉ាងប្រកិត ខ្សែបម្រើ Lemar របស់ក្លឹប Monaco

2017-08-30 13:20:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកចាត់ការរបស់ក្លឹបហង្សក្រហម Liverpool ក្នុងថ្ងៃនេះ បានធ្វើដំណើរទៅក្លឹបជើងឯកលីគកំពូលបារាំង Monacoដើម្បីចរចារឿងទិញខ្សែបម្រើលេងបានច្រើនកន្លែង Thomas Lemar ជាមួយនឹងការដេញថ្លៃលើកទីពីរផងដែរ បន្ទាប់ការដេញថ្លៃលើកដំបូងក្នុងថ្ងៃចន្ទត្រូវបានបដិសេធដោយ Monaco។

ក្នុងការដេញថ្លៃលើកទីពីរនេះ គឺក្លឹបហង្សក្រហមបានឲ្យថ្លៃខ្សែបម្រើសញ្ជាតិបារាំងThomas Lemar រហូតដល់ទៅ ៧៤លានផោន បន្ថែមជាមួយនឹងការឲ្យក្លឹប Monaco ខ្ចីជើងខ្សែប្រយុទ្ធសញ្ជាតិបែលហ្សិក Divock Origi។ បើតាមសេចក្ដីរាយការណ៍ អ្នកចាត់ការទូទៅសញ្ជាតិ អាល្លឺម៉ង់ Jurgen Klopp ចង់បានកីឡាកររូបនេះ ចំណែកឯកីឡាករខ្លួនឯងផ្ទាល់ក៏ចង់លេងក្រោមការដឹកនាំរបស់លោក Klopp ផងដែរ។

ការចរចានេះ ធ្វើឡើងបន្ទាប់ពីក្លឹប Monaco ទើបតែទិញជាផ្លូវការបានកីឡាករពីររូបកាលពីយប់មិញគឺ ខ្សែបម្រើប្រយុទ្ធ Staven Jovetic ពីក្លឹប Inter Milan និងខ្សែបម្រើ Keita Balde ពីក្លឹប Lazio ដែលបង្ហាញសញ្ញាថាការដោះដូរនេះអាចទៅរួច។

គួរកត់សម្គាល់ផងដែរថា ក្លឹបហង្សក្រហម Liverpool កាលពីពេលថ្មីៗនេះ ក៏ទើបតែប្រកាសពីការទិញជាផ្លូវការនូវកីឡាករសញ្ជាតិហ្គីណេ ខ្សែបម្រើ Naby Keita ពីក្លឹបអាល្លឺម៉ង់ RB Leipzig ក្នុងតម្លៃ ៥៥លានផោន ហើយខ្សែបម្រើរូបនេះនឹងមកចូលរួមជាមួយក្លឹបនារដូវកាលក្រោយ។

បើសិនជាការចរចាក្នុងការទិញ ខ្សែបម្រើសញ្ជាតិបារាំង Lemar ទទួលបានជោគជ័យ ក្លឹបជើងឯកលីគកំពូលអង់គ្លេស ១៨សម័យមួយនេះ នឹងបំបែកកំណត់ត្រារបស់ខ្លួនក្នុងការនាំយកកីឡាករដែលមានតម្លៃខ្ពស់បំផុតសម្រាប់ក្លឹបមួយនេះ។ សព្វថ្ងៃកីឡាករថ្លៃបំផុតដែល Liverpool បានទិញគឺ ខ្សែបម្រើ Naby Keita ក្នុងតម្លៃ ៥៥លានផោន ដែលទើបនឹងព្រមព្រៀងទិញបាននាពេលថ្មីៗនេះឯង៕

ប្រភព៖ Dailymail ប្រែសម្រួល៖ ហ៊ីម រស្មី

ពាក្យទាក់ទង

Liverpool Monaco

អត្ថបទពេញនិយម

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

បើអត្តសញ្ញាណប័ណ្ណ របក ខូច ឬផុតសុពលភាព អាចទៅធ្វើថ្មីនៅទីតាំងមួយនេះបាន

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ដឹងទេ! បច្ចុប្បន្ន កម្ពុជា កំពុងសម្រុកសាងសង់ស្ពានធំៗចំនួន៣

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

អត្ថបទថ្មី

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤

ធ្វើលិខិតថ្កោលទោសតាមអនឡាញដំណាក់កាលទី២ ចាប់ពីខែក្រោយ នឹងកាន់តែងាយស្រួលរហ័សជាងមុនទៀត

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម