មហាសេដ្ឋីថៃល្បីមុខតុក្កតា និងប្រើបង្គន់មាស កើតជំងឺកាចសាហាវនៅអាយុ ៨១ឆ្នាំ

2017-08-31 08:36:24
ចំនួនមតិ 0 | ចំនួនចែករំលែក 0

ចន្លោះមិនឃើញ

មហាសេដ្ឋីជនជាតិថៃលោកយាយ Sumanee Gunakasem ត្រូវបានគេស្គាល់ថា ជាមនុស្សតុក្កតាប្រចាំប្រទេសថៃ ឬ Thailand's Barbie បានបាត់មុខអស់រយៈជាច្រើនឆ្នាំនៅលើបណ្ដាញសារព័ត៌មាន តែនៅសប្ដាហ៍នេះគាត់បានបង្ហាញខ្លួនប្រាប់ទៅប្រព័ន្ធផ្សព្វផ្សាយថា គាត់បានកើតជំងឺមហារីកស្បូនរយៈពេល ៤ខែហើយ។

លោកយាយ Sumanee មានអាយុ ៨១ឆ្នាំ កាលពីគាត់នៅអាយុប្រហែល ៧០ឆ្នាំ គាត់តែងតែលេចមុខនៅតាមព្រឹត្តិការណ៍នានាជាញឹកញាប់។ គាត់មានភាពល្បីល្បាញដោយសារតែមុខមាត់ក្មេងជាងវ័យ មិនជ្រីវជ្រួញ និងសក់ក្លែងក្លាយពណ៌ទង់ដែង។

មតិមហាជនជនគិតថា គាត់បានវះកាត់មុខច្រើនកន្លែង តែគាត់សារភាពថា វះកាត់តែត្របកភ្នែកប៉ុណ្ណោះ។ ទោះជាមានវ័យកាន់តែច្រើន Sumanee រៀបរាប់ថា ខ្លួនចូលចិត្តរាំ និងស្លៀកពាក់បែបទាន់សម័យ។ "បន្ទាប់ពីជាសះស្បើយពីជំងឺមហារីក ខ្ញុំចង់នាំសិល្បករ និងមិត្តខ្ញុំជាច្រើនទៀតមកចូលរួមពិធីជប់លៀងនៅផ្ទះរបស់ខ្ញុំម្ដង"។ គាត់បន្ត។

ចំពោះប្រវត្តិរូប និងទ្រព្យសម្បត្តិរបស់ Sumanee គេមិនដឹងច្បាស់ទេ តែធ្លាប់ឮថា កើតក្នុងត្រកូលអ្នកមាន ហើយជីដូនជីតាទួតមានដីច្រើនកន្លែងដែលជាប្រភពធនធានរបស់ Sumanee បច្ចុប្បន្ននេះ។ ធ្លាប់ទៅសិក្សានៅអង់គ្លេស និងអាមេរិក លោកយាយ Sumanuee បានរៀបការជាមួយអតីតមន្ត្រីទូតនៃក្រសួងការបរទេស តែគាត់បានលាចាកលោកហើយក្នុងឆ្នាំ ២០០៩។

ចំណែកគ្រឿងតុបតែងក្នុងផ្ទះ គាត់មានធ្នើរថ្មទិញពីទីក្រុងញូវយ៉ក សហរដ្ឋអាមេរិក តម្លៃប្រមាណ ៧៥ម៉ឺនដុល្លារ។ កម្រាលព្រំទិញពីអ៊ីរ៉ង់ តម្លៃ ១២ម៉ឺនដុល្លារ។ អ្វីកាន់តែល្បីនោះ គឺបង្គន់ និងបាញ័រ (អាងត្រាំទឹកក្នុងបន្ទប់ទឹក) ស្រោបសន្លឹកមាសទំហំ ២៤ការាត់ផងដែរ៕