និស្សិតខ្មែរនៅថៃផ្ញើវីដេអូ បើចង់ធ្វើអ្វីមួយកុំខ្លាចបរាជ័យ ទាល់តែសាកសិនទើបដឹង
- 2017-09-05 06:19:35
- ចំនួនមតិ 0 | ចំនួនចែករំលែក 0
និស្សិតខ្មែរនៅថៃផ្ញើវីដេអូ បើចង់ធ្វើអ្វីមួយកុំខ្លាចបរាជ័យ ទាល់តែសាកសិនទើបដឹង
ចន្លោះមិនឃើញ
ចេញពីស្រុកកំណើតពេលប្រឡងចប់ទី១២នៅឆ្នាំ២០១២ សុខ បូរី អ្នកខេត្តកំពង់ធំបានបន្តការសិក្សានៅទីក្រុងភ្នំពេញដោយជ្រើសរើសផ្នែកព័ត៌មានវិទ្យានៅវិទ្យាស្ថានបច្ចេកវិទ្យាកម្ពុជា។
សិក្សាបានរយះពេល២ឆ្នាំចូលឆ្នាំទី២ បូរីបានប្រឡងជាប់អាហារូបករណ៍ទៅរៀនបន្តនៅប្រទេសថៃផ្នែកព័ត៌មានវិទ្យា រហូតមកដល់ពេលនេះកំពុងសិក្សាឆ្នាំទី៤ហើយ។
ចែករំលែកបទពិសោធន៍ខ្លះៗពីការរស់នៅនិងការសិក្សា បុរីឲ្យដឹងថា ការរស់នៅមិនជាបញ្ហាទេទាំងការហូបចុក ស្លៀកពាក់ ស្នាក់នៅស្រដៀងគ្នាប៉ុន្តែចំពោះការៀនវិញមានលក្ខណៈខុសគ្នា។
យុវជនសម្បុរស្រអែមកូនអ្នកស្រុកបារាយរូបនេះបានកត់សម្គាល់ប្រព័ន្ធអប់រំដែលខុសប្លែកពីការសិក្សានៅក្នុងស្រុក។
"នៅទីនោះ គេបង្កើតប្រព័ន្ធ Student Information System (SIS) សម្រាប់គ្រប់គ្រង់ទិន្នន័យសិស្ស។ សិស្សទាំងអស់អាចស្វែងយល់ព័ត៌មានពីការជ្រើសរើសមុខជំនាញសិក្សា ការវិភាគលើមុខវិជ្ជាមុនសិស្សចុះឈ្មោះចូលរៀន។ មួយទៀតប្រព័ន្ធ Learning Management System (LMS) ជាប្រព័ន្ធទំនាក់ទំនងរវាងគ្រូនិងសិស្ស ដែលសិស្សទាំងអស់អាចសួរព័ត៌មានជាមួយសាស្រ្តាចារ្យដោយផ្ទាល់។
ក្រៅពីនេះគេក៏មានរៀបចំកម្មវិធីជាច្រើនទៀតក្នុងមួយឆ្នាំៗ ដែលមុនពេលបញ្ចប់ការសិក្សានិស្សិតទាំងអស់ត្រូវបំពេញសកម្មភាពនានាឲ្យបានយ៉ាងតិច១០០ម៉ោង។
ដោយសារការសិក្សាជាប្រព័ន្ធក្រេឌីត និស្សិតអាចចុះឈ្មោះរៀននៅម៉ោងណាពេលណាក៏បានដែរតាមកាលវិភាគរបស់សាលា។ បើសិនជាមានការប្រឡងធ្លាក់ និស្សិតត្រូវចាំរៀនម្ដងទៀតនៅពេលវិស្សមកាលឬឆ្នាំក្រោយដោយមិនមានការប្រឡងសងឡើយ។
ចុងក្រោយបុរីផ្តាំផ្ញើយុវជនខ្មែរ កុំរារែកក្នុងការសម្រេចចិត្តធ្វើអ្វីមួយដែលខ្លួនឯងចង់ធ្វើ កុំគិតតែស្រមើស្រមៃគ្មានថ្ងៃបញ្ចប់។ យុវជនរូបនេះថា ពេលធ្វើមិនប្រាកដថាទទួលបានជោគជ័យ ប៉ុន្តែការហ៊ានជំនះខ្លួនឯងជាជំហានមួយក្នុងការឈានឆ្ពោះទៅរកជោគជ័យរួចទៅហើយ ទោះបីលទ្ធផលចេញមកយ៉ាងណាក៏ដោយ។
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
