ជើង​ខ្លាំង​កំពូល​ស្មាតហ្វូន​ប្រចាំ​ឆ្នាំ​រវាង​ ​Galaxy Note 8​ ​និង​ ​iPhone 7 Plus​ ​ដែល​ប្រកាស​ក្ដែងៗ​ថា​មាន​បច្ចេកវិទ្យា​អាច​ថត​រូប​ប្រភេទ​ ​Portrait​ ​(រូប​ពាក់​កណ្ដាល​ខ្លួន)​ ​ល្អ​រាង​ៗ​ខ្លួន​នោះ​ ​បាន​ធ្វើ​ឲ្យ​អ្នក​គាំទ្រ​មួយ​ចំនួន​ពិបាក​សម្រេច​ចិត្ត​ ​គួរ​ជ្រើស​យក​មួយ​គ្រឿង​ណា​មក​ប្រើប្រាស់។

ដូច​នេះ​ ​ក្រោយ​ការ​សាកល្បង​ផ្ទាល់​ដោយ​ក្រុម​ការងារ​ ​Sabay​ ​លើ​មុខងារ​ថត​ ​Portrait​ ​របស់​ ​iPhone 7 Plus​ ​ជា​មួយ​នឹង​ ​Live Focus​ ​របស់​ ​Samsung Galaxy Note 8​ ​គឺ​ចេញ​ជា​លទ្ធផល​រូបភាព​ដូច​ខាង​ក្រោម៖

យោង​តាម​រូបភាព​ខាង​លើ​ ​អាច​មើល​បាន​ថា​សមត្ថភាព​ថត​រូប​លក្ខណៈ​ ​Portrait​ ​នៃ​កំពូល​ស្មាតហ្វូន​ទាំង​ពីរ​ ​គឺ​អាច​ទទួល​យក​បាន​ដូច​គ្នា​ ​តែ​ត្រង់​ថា​ ​Galaxy Note 8​ ​អាច​ផលិត​រូបភាព​មាន​កម្រិត​ពណ៌​ខ្លាំង​ជាង​ ​ហើយ​អាច​ចាប់​មុំ​បាន​ទូលាយ​ជាង។

មូលហេតុ​ដែល​ ​Galaxy Note 8​ ​អាច​ថត​រូប​បាន​ទូលាយ​ជាង​ ​iPhone 7 Plus​ ​នោះ​ ​ព្រោះ​ថា​វា​មាន​បំពាក់​កាមេរ៉ា​ភ្លោះ​ ​និង​ ​Lens​ ​ចាប់​រូប​ទទឹង​ធំ​ជាង៕

• Galaxy Note 8​ ​កាមេរ៉ា​ភ្លោះ​ ​១២​ ​មេហ្គាភិចសែល​ ​Lens​ ​២៦mm, f/1.7​ ​និង​មួយ​គ្រាប់​ទៀត​ ​៥២mm, f/2.4

• iPhone 7 Plus​ ​កាមេរ៉ា​ភ្លោះ​ ​១២​ ​មេហ្គាភិចសែល​ ​Lens​ ​២៨mm, f/1.8​ ​និង​មួយ​គ្រាប់​ទៀត​ ​៥៦mm, f/2.4

អត្ថបទ៖ រដ្ឋ