ឈប់យល់ខុសទៅ អ្នកប្រើ iPhone រាល់ថ្ងៃ

2017-09-08 22:55:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រើប្រាស់ iPhone មានអាថ៌កំបាំងនិងតិចនិកជាច្រើន ដែលអាចឲ្យយើងប្រើកាន់តែទូលំទូលាយនិងមានភាពរហ័ស។ ប៉ុន្តែចំពោះរឿងទាំង ៣នេះ មិនសុទ្ធតែត្រឹមត្រូវនោះឡើយ ផ្ទុយទៅវិញរឿងខ្លះបានបន្ថែមផលប៉ះពាល់ដល់អ្នក និងខ្លះទៀតអ្នកអាចធ្វើបានដោយមានសុវត្ថិភាពទាំងស្រុង។

១.សាកថ្មមួយយប់ពេញអាចបង្កគ្រោះថ្នាក់

ការគិតបែបនេះ គឺខុសទាំងស្រុង។ តាមពិតទៅការសាកថ្មចោលមួយយប់ពេញ មិនបង្កផលប៉ះពាល់អ្វីឡើយ ដរាបណាគេបានអនុវត្តនូវគន្លឹះត្រឹមត្រូវ។ iPhone បំពាក់នូវថ្ម Li-ion ដែលមានបច្ចេកវិទ្យាផ្ដាច់ចរន្តស្វ័យប្រវត្តិ រាល់ពេលថាមពលឡើងពេញ ១០០ ភាគរយ។ សំខាន់លើកម្ដៅនៃឧបករណ៍និងទីតាំងជុំវិញ បើថ្មនោះមិនខូចមិនឡើងកម្ដៅខ្លាំង ហើយគេមិនបានដាក់សាកនៅក្រោមពូកឬភួយដែលបង្កឲ្យហប់ នោះវាមិនបង្កបញ្ហាអ្វីទាំងអស់។

២.គួរប្រើឲ្យជិតអស់ថ្មរលីង សឹមសាក

ការលើកឡើងនេះ មិនមែនជាមតិត្រឹមត្រូវឡើយ។ ពពួកថ្ម Li-ion សម័យទំនើប មិនចាំបាច់ទាល់តែប្រើដល់ជិតអស់ថ្មរលីងហើយសាកនោះឡើយ។ ពេលខ្លះអ្នកប្រើសល់ ៤០ ឬ ៥០ ភាគរយក៏អាចយកទៅសាកបានដូចគ្នា ដោយឡែកវាពុំបានធ្វើឲ្យស្មាតហ្វូនថ្មមិនសូវកាន់អ្វីនោះទេ។ រឿងដែលសំខាន់ជៀសវាងការទុកចោលរហូតដល់អស់ថ្មរលីង នោះទើបជាបញ្ហាធំ។

៣.អង្ករអាចជួយទូរសព្ទធ្លាក់ទឹកបាន

គេជឿថាទូរសព្ទមិនថា iPhone ពេលធ្លាក់ចូលទឹក ត្រូវយកទៅត្រាំក្នុងធុងអង្ករ។ ទទួលស្គាល់មួយផ្នែកតូចគឺទទួលបានជោគជ័យ ប៉ុន្តែមួយផ្នែកធំផ្សេងទៀត វាធ្វើឲ្យស្ថានភាពកាន់តែយ៉ាប់យឺនទៅវិញ។ ខណៈគ្រាប់ធញ្ញជាតិទាំងនោះ បានផ្ទុកទៅដោយសំណល់ ដែលអាចបង្កឲ្យមានការជ្រាបចូលទៅក្នុងស្មាតហ្វូន។ ម្ល៉ោះហើយការណែនាំល្អបំផុត គួរយកទៅឲ្យជាង បើគិតថាខូចខាតខ្លាំង ឬយកទៅហាលនៅទីតាំងក្ដៅ ដូចជាលើធ្នើរនិងលើតុជាដើម។

ប្រភព៖ idropnews ប្រែសម្រួល៖ កៅ រក្សា