អេហ្ស៊ីបកំណាយឃើញមាំម៉ីប្ដីប្រពន្ធ និងកូនដេកទន្ទឹមគ្នា ៣៥០០ឆ្នាំ គួរឲ្យភ្ញាក់ផ្អើល

2017-09-11 02:29:43
ចំនួនមតិ 0 | ចំនួនចែករំលែក 0

ចន្លោះមិនឃើញ

អាជ្ញាធរប្រទេសអេហ្សីបបានបង្ហាញឲ្យឃើញកំណាយផ្នូរបុរាណមួយដែលជារបស់ជាងមាស និងប្រពន្ធរបស់គាត់នៅក្បែរទីក្រុង Luxor ភាគខាងត្បូងប្រទេសអេហ្ស៊ីប កាលពីថ្ងៃសៅរ៍កន្លងទៅ។

ផ្នូរបុរាណអាយុកាលជាង ៣ ៥០០ឆ្នាំនេះស្ថិតនៅបរិវេណ Draa Abul Nagaa មានកប់ទុកមាំម៉ី មឈូស រូបចម្លាក់ ឆ្នាំង និងវត្ថុបុរាណជាច្រើនផ្សេងទៀត។ នេះបើតាមការបញ្ជាក់របស់ក្រសួងផ្នែកវត្ថុបុរាណអេហ្ស៊ីប។

បុរសជាប្ដីមានឈ្មោះ Amenemhat និងប្រពន្ធឈ្មោះ Amenhotep ត្រូវបានគេឃើញខូចខាតមួយភាគនៃសាកសពព្រោះតែចម្លាក់ថ្មភក់។ នៅចន្លោះជើងអ្នកទាំងពីរ ឃើញមានម្រាមដៃកូនប្រុសតូចម្នាក់ទៀត ខណៈកូនស្រីដេកទន្ទឹមឪពុកម្ដាយ។ ប្រភពពីក្រសួងខាងលើក៏បានអះអាងថា ផ្នូរនេះទំនងត្រូវបានគេប្រើប្រាស់ឡើងវិញ។

អ្នកជំនាញបានធ្វើវិភាគ រួចសន្និដ្ឋានបឋមថា គ្រួសារនេះបានកើតជំងឺកាចសាហាវ។ គួររម្លឹកថា កាលពីខែមេសា គេក៏បានរកឃើញផ្នូរបុរាណរាងអក្សរ T ដែលជារបស់ចៅក្រមក្រុងមួយឈ្មោះ Userhat ហើយក្រុមបុរាណវិទូក៏បានរកឃើញផ្នូរជាច្រើនទៀតនៅបរិវេណខាងលើក្នុងឆ្នាំនេះផងដែរ៕