មិនធម្មតា! គំនូរកូនប្រុសពៅនាយ ក្រឹម ដាក់លក់ និងដេញថ្លៃបានតម្លៃខ្ទង់ពាន់ដុល្លារ
- 2017-09-11 07:36:17
- ចំនួនមតិ 0 | ចំនួនចែករំលែក 0
មិនធម្មតា! គំនូរកូនប្រុសពៅនាយ ក្រឹម ដាក់លក់ និងដេញថ្លៃបានតម្លៃខ្ទង់ពាន់ដុល្លារ
ចន្លោះមិនឃើញ
ដោយសារតែមានទេពកោសល្យ និងដុងផ្នែកគូរគំនូរតាំងពីនៅតូច កូនប្រុសពៅនាយ ក្រឹម លោក អ៊ូ រ៉ាត់មុន្នី ហៅ ដាញ៉ែល បានបញ្ចេញលក់ផ្ទាំងគំនូររបស់ខ្លួន និងដាក់ដេញថ្លៃបានតម្លៃរាប់ពាន់ដុល្លារ។
ដាញ៉ែល បានប្រាប់ Sabay ថា សព្វថ្ងៃនេះផ្ទាំងគំនូរជាច្រើនសន្លឹករបស់ខ្លួនបានដាក់លក់ និងដេញថ្លៃ ព្រមទាំងទទួលបានការចាប់អារម្មណ៍យ៉ាងខ្លាំងពីសំណាក់ភ្ញៀវជាតិ និងអន្តរជាតិជាច្រើនផងដែរ។ ក្នុងការដេញថ្លៃវិញក្នុង១ផ្ទាំងគំនូរ បើកការដេញថ្លៃចាប់ពី ៥០០ ដុល្លារ រហូតឈានដល់ ៣០០០ ពាន់ដុល្លារអាមេរិកក៏មានដែរ។
“បើនិយាយពីការលក់វិញក្នុងមួយផ្ទាំង ខ្ញុំលក់ក្នុងតម្លៃ៥០០ ដុល្លារអាមេរិកបង ហើយថវិកាដែលបានមកពីការលក់ និងដេញថ្លៃផ្ទាំងគំនូរទាំងអស់ហ្នឹងគឺខ្ញុំយកទៅជួយក្មេងៗដែលពួកគាត់ នៅមណ្ឌលកំព្រា"។ កូនប្រុសពៅនាយ ក្រឹម បញ្ជាក់។
ដាញ៉ែល បន្តថា ខ្លួនបានស្រឡាញ់សិល្បៈផ្នែកគំនូរនេះតាំងពីអាយុ ៧ ទៅ ៨ ឆ្នាំអំឡុងពេលនៅជ្រកកោនលើទឹកដីមហាអំណាច ដូណាល់ ត្រាំ មកម្ល៉េះ។ ហេតុដូច្នេះទើបសម្រេចចិត្ត រៀនផ្នែកគំនូរក្រោយពីបញ្ចប់ការសិក្សាថ្នាក់ភាសាអង់គ្លេសនៅសាលា Northbridge ដោយមិនបានបន្តទៅថ្នាក់មហាវិទ្យាល័យបន្ថែមទៀតឡើយ។
គំនូរមួយផ្ទាំងកូនប្រុសពៅ នាយ ក្រឹម ត្រូវចំណាយពេលយ៉ាងហោចណាស់ ២ ទៅ ៣ម៉ោងក្នុងការគូរ តែពេលខ្លះអាស្រ័យទៅតាមផ្ទាំងគំនូរដែរ។ ដាញ៉ែល ចាប់ផ្ដើមប្រលូកផ្នែកគូគំនូរនេះពេញទីខណៈពេលរូបលោកនៅអាយុ១៦ ឆ្នាំជាវ័យកំពុងសិក្សាថ្នាក់ទី៩ នៅសាលា Northbridge ៕
ខាងក្រោមនេះគំនូរដាក់លក់ និងដេញថ្លៃបានតម្លៃចាប់ពី ៥០០ ដុល្លាររហូតដល់ ៣០០០ ដុល្លារអាមេរិក