Philippe Coutinho បាន​ងើប​ពី​កៅអី​បម្រុង​ហើយ​ប្ដូរ​ចូល​នៅ​នាទី​៧៦​ក្នុង​ការ​ប្រកួត UEFA Champions League ដែល​​ Liverpool ស្មើ​គ្នា​ ២-២ ជាមួយ​ Sevilla។

អវត្តមាន​របស់​ខ្សែ​បម្រើ​​ប្រេស៊ីល​នៅ​ Champions League ជាមួយ​ Liverpool កាល​ពី​យប់​មិញ​ជា​រឿង​មិន​ល្អ​សម្រាប់​ Barcelona ព្រោះ​​ក្នុង​ករណី​ Barcelona ទិញ​ Coutinho បាន​នៅ​ខែ​មករា​ក៏​រូប​គេ​មិន​អាច​លេង​ពាន​ Champions League បាន​ដែរ ពោល​គឺ​ត្រូវ​រង់ចាំ​រហូត​ដល់​រដូវ​កាល​ក្រោយ។

ក្រុម​លោក Ernesto Valverde បាន​ដាក់​សំណើ​ជា​ច្រើន​ដង​កាល​ពី​អំឡុង​ទីផ្សារ​ដោះដូរ​បើក​ទ្វារ ​ដើម្បី​យក​តារា​ឆ្នើម​វ័យ​២៥​ឆ្នាំ​ទៅ​កាន់​ទឹកដី​ Nou Camp តែ​ភាគី​ Liverpool បាន​ច្រាន​ចោល​ទាំង​អស់។ Coutinho នៅ​មិន​ទាន់​បាន​បង្ហាញ​ខ្លួន​ជម្រើស​ដំបូង​ជាមួយ​ Liverpool នៅ​ពាន​​ Premier League នៅ​ឡើយ​ទេ៕

ប្រភព៖ Sport English   ប្រែសម្រួល៖ វីរ៉ុត