កម្ពុជានឹងមានអ៊ីនធឺណិតប្រើប្រាស់១០០ភាគរយ នៅតាមទីប្រជុំជនក្នុងឆ្នាំ២០២០
- 2017-09-16 06:43:20
- ចំនួនមតិ 0 | ចំនួនចែករំលែក 0
កម្ពុជានឹងមានអ៊ីនធឺណិតប្រើប្រាស់១០០ភាគរយ នៅតាមទីប្រជុំជនក្នុងឆ្នាំ២០២០
ចន្លោះមិនឃើញ
(ភ្នំពេញ) ៖ កម្ពុជានឹងមានប្រព័ន្ធអ៊ីនធឺណិតប្រើប្រាស់១០០% នៅតំបន់ប្រជុំជន និង៧០% នៅតំបន់ជនបទនាឆ្នាំ២០២០។ នេះបើតាមការអះអាររបស់រដ្ឋមន្ត្រីក្រសួងប្រៃសណីយ៍ និងទូរគមនាគមន៍។
លោក ត្រាំ អ៊ីវតឹក បានថ្លែងយ៉ាងដូច្នេះ នៅក្នុងកិច្ចប្រជុំកំពូលអន្តរជាតិស្តីពីហេដ្ឋារចនាសម្ព័ន្ធកម្ពុជា រៀបចំដោយក្រុមហ៊ុនអេដូតកូ (Edotco)កាលពីពេលថ្មីៗនេះថាមហិច្ឆតារបស់កម្ពុជា ក្នុងការតភ្ជាប់ទំនាក់ទំនងតាមប្រព័ន្ធឌីជីថល នៅត្រឹមឆ្នាំ២០២០ ហើយបានទទួលស្គាល់ពីតួនាទីដ៏សំខាន់មិនអាចខ្វះបាន នៃភាពជាដៃគូរវាងស្ថាប័នរដ្ឋ និងវិស័យឯកជន ក្នុងការសម្រេចបាននូវការត្រៀមខ្លួនជាស្រេចក្នុងវិស័យ ICT។
កិច្ចប្រជុំកំពូលនេះ ជាការជួបជុំផ្លាស់ប្ដូរចែករំលែកចំណេះដឹង បទពិសោធន៍ និងមតិយោបល់រវាងមន្រី្តជាន់ខ្ពស់ និងតួអង្គសំខាន់ៗ ក្នុងឧស្សាហកម្មទូរគមនាគមន៍ ដោយវាបានបង្កើតឲ្យមានជាការពិភាក្សាគ្នា ដើម្បីរិះរកវិធីសាស្ត្រយ៉ាង សម្រេចឲ្យបាននូវចក្ខុវិស័យ ICT នៃរបស់កម្ពុជា។
លោករដ្ឋមន្រី្តបានបន្ថែមថា តាមរយៈគំនិតផ្ដួចផ្ដើមរបស់ អេ ដូត កូ ក្នុងការនាំមកនូវការតភ្ជាប់តាមរយៈហេដ្ឋារចនាសម្ព័ន្ធទូរគមនាគមន៍ និងដំណោះស្រាយប្រកបដោយភាពច្នៃប្រឌិតនេះ វាពិតជាបានបង្ហាញឲ្យឃើញកាន់តែច្បាស់ ពីការគាំទ្រចំពោះចក្ខុវិស័យ ICT របស់ប្រទេសកម្ពុជា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
