មកយល់ច្បាស់ពី Depth of field ឬគេនិយមហៅថា ថតច្បាស់មុខ ព្រាលក្រោយ

2017-09-26 02:14:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ការយល់ដឹងពីដំណើរការរបស់ Aperture, focal length និង Focus ធ្វើការជាមួយគ្នា គឺដើម្បីឲ្យមានឥទ្ធិពលលើ Depth of field ហើយគ្រប់គ្រងលើអ្វីដែលបង្ហាញបានច្បាស់ល្អក្នុងរូបភាពរបស់អ្នក ដែលវានឹងផ្ដល់ឲ្យអ្នកថតរូបកាន់តែមានទំនុកចិត្តលើស្នាដៃរបស់ខ្លួន។

រូបតំណាង

កាមេរ៉ាអាចគ្រាន់តែ Focus នូវ Lens របស់វានៅលើចំណុចតែមួយប៉ុណ្ណោះ ប៉ុន្តែវានឹងមានតំបន់លាតសន្ធឹងខាងមុខ និងខាងក្រោយ ចំណុច Focus នេះ ដែលនៅតែបង្ហាញបានច្បាស់។ តំបន់នេះហៅថា Depth of field។ វាមិនមានចម្ងាយ Fixed (តម្លៃមិនប្រែប្រួល) នោះទេ ដែលវាផ្លាស់ប្ដូរទំហំ ហើយអាចជា រាក់ (បង្ហាញតំបន់តូចបានច្បាស់) ឬ ជ្រៅ (បង្ហាញតំបន់ច្រើនបានច្បាស់) ដោយសារ Depth of field មានឥទ្ធិពលទាំងនៅលើ គុណភាពសោភណភាព និងបច្ចេកទេសរបស់រូបភាព។ **ឧទាហរណ៍៖** ពេលអ្នកថតរូបទេសភាព ដែលជាកន្លែងត្រូវថតភាពលម្អិតពីផ្ទៃខាងមុខដោយមានលក្ខណៈផ្ដេក។ សម្រាប់ពេលដទៃទៀត Depth of field រាក់នឹងមានលក្ខណៈល្អប្រសើរជាង ដែលវាអាចឲ្យមានផ្ទៃខាងក្រោយព្រាល និងផ្ទៃខាងមុខច្បាស់ល្អ។

តើកន្លែងណាដែលអ្នកអាចស្វែងរកនូវ Depth of field control លើកាមេរ៉ា?

កាមេរ៉ាឌីជីថលជាច្រើនមាននូវប៊ូតុង Depth of field preview នៅក្បែរនឹងកន្លែងភ្ជាប់ Lens ឬអ្នកអាចកំណត់នូវមុខងារដូចគ្នាទៅនឹងប៊ូតុងណាមួយក្នុងចំណោមប៊ូតុងផ្សេងទៀត។ ទោះបីជាយ៉ាងណា នេះមិនមានឥទ្ធិពលលើ Depth of field នោះទេ។ រូបភាពដែលអ្នកឃើញជាធម្មតាតាមរយៈ Viewfinder ឬ លើអេក្រង់ Live view ត្រូវបានបង្ហាញនៅកម្រិតធំបំផុត ឬ ទូលាយបំផុត នៃ Aperture របស់ Lens។

Aperture ដែលអ្នកកំណត់ដោយ Dial លើតួកាមេរ៉ានឹងគ្រាន់តែកំណត់ពេលអ្នកថតរូបប៉ុណ្ណោះ។ ទោះជាយ៉ាងណា ការចុចនូវប៊ូតុង Depth of field preview អាចឲ្យអ្នកពិនិត្យមើលនូវទិដ្ឋភាពនៅកម្រិត Aperture ណាមួយ ដូច្នេះអ្នកអាចកំណត់នូវតំបន់ដែលលេចឡើងច្បាស់។ វាមាននូវវិធីជាច្រើនដើម្បីគ្រប់គ្រងលើ Depth of field ដែលមាន ជម្រើសនៃ Aperture, ចម្ងាយនៃការ Focus និង ប្រភេទកាមេរ៉ា។ សរុបមក ការប្រើប្រាស់ Wider aperture និងចម្ងាយក្នុងការ Focus កាន់តែជិតនឹងធ្វើឲ្យ Depth of field រាក់។

យល់ដឹងពី Wide aperture

Aperture ធំទូលាយទាក់ទងជាមួយនឹងចំនួន f-stop តូចដែលមានលើកាមេរ៉ា។ ដូច្នេះ Aperture នៃ f/2.8 គឺធំទូលាយ ខណៈ Aperture នៃ f/22 គឺតូច។ ចម្ងាយក្នុងការ Focus មានឥទ្ធិពលលើរូបភាពទាំងមូល ជាមួយនឹង Aperture ធំទូលាយ នឹងទទួលបាននូវ Depth of field ច្រើនពេល Focus លើ Subject ពីចម្ងាយ ច្រើនជាងពេល Focus លើ Subject ដែលនៅជិតនឹង Lens។ ទោះជាយ៉ាងណា ការផ្លាស់ប្ដូរចម្ងាយក្នុងការ Focus ជាវិធីដ៏ល្អសម្រាប់គ្រប់គ្រងលើ Depth of field ដែលវាងាយស្រួលក្នុងការជ្រើសរើស Setting នៃ Aperture។ ចំណុចមួយសំខាន់គួរយល់ដឹងគឺ ពេលផ្លាស់ប្ដូរពី Aperture ធំ ទៅតូចអាចធ្វើឲ្យរូបភាពព្រាល ប៉ុន្តែជម្រើសនៃ Aperture ត្រូវមានតុល្យភាពជាមួយនឹង Shutter speed និង ISO ដើម្បីរក្សាឲ្យ Exposure ស្របគ្នា។

អ្នកអាចពិនិត្យមើលលើ Exposure Triangle ដោយ Aperture ធំ អាចឲ្យពន្លឺចូលច្រើន ដូច្នេះ Shutter speed លឿនអាចប្រើប្រាស់ដើម្បីបង្កកនូវចលនា។ ការប្តូរទៅ Aperture តូច ហើយចំនួនពន្លឺឆ្លងកាត់ Lens ត្រូវកាត់បន្ថយ។ ជាលទ្ធផល Shutter speed ត្រូវតែ យឺត ប៉ុន្តែអាចនឹងមានបញ្ហាចំពោះរូបភាពពេលកាមេរ៉ារង្គើ និង Subject មានចលនា។ ដូច្នេះអ្នកអាចបង្កើន ISO ដែលអាចឲ្យអ្នកប្រើប្រាស់នូវ Aperture តូចដើម្បីបង្កើន Depth of field ហើយនឹងប្រើប្រាស់ Shutter speed លឿនបាន។

តើប្រភេទកាមេរ៉ាមានឥទ្ធិពលលើ Depth of field ដោយរបៀបណា?

វាជាទំហំនៃ Image sensor នៅក្នុងកាមេរ៉ាដែលធ្វើឲ្យមានភាពខុសគ្នា។ Sensor កាន់តែធំ Depth of field កាន់តែរាក់ នៅកម្រិត Aperture ដែលបានផ្ដល់ឲ្យ។ នេះដោយសារអ្នកនឹងត្រូវការប្រើប្រាស់ Focal length វែង ឬដើរទៅជិតនឹង Subject ដើម្បីសម្រេចបានទំហំរូបភាពដូចគ្នា ដូចដែលអ្នកទទួលបានពីការប្រើប្រាស់កាមេរ៉ាជាមួយនឹង Sensor តូច ហើយគួរចងចាំថាឥទ្ធិពលក្នុងការ Focus ជិត មានលើ Depth of field។ នេះជាហេតុផលដែលកាមេរ៉ាប្រភេទ Full-frame ផលិតបាន Depth of field រាក់បានច្រើនជាង APS-C DSLR ឬ Compact system camera (CSC) នៅកម្រិត Focal length និង Aperture សមមូលគ្នា។

តើពិតទេដែល Lens វែងផលិតបាន Depth of field រាក់?

Focal length នៃ Lens មានឥទ្ធិពលសំខាន់លើ Depth of field ជាមួយនឹង Lens វែង ដោយផលិតបានលក្ខណៈព្រាលបានច្រើន។ Lens 200mm ធ្វើការ Focus នៅកម្រិត ១២ ft នឹងមាន Depth of field ស្ដើង បើប្រៀបធៀបនឹង Lens 20mm ធ្វើការ Focus នៅកម្រិត ១២ ft។ ទោះជាយ៉ាងណា ប្រសិនបើ Subject មាននូវសមាមាត្រនៃ Frame ដូចគ្នា នោះ Depth of field (តំបន់ដែលបង្ហាញច្បាស់) គឺដូចគ្នា ទោះជាថតជាមួយនឹង Wide-angle lens ឬ Telephoto។ អ្នកត្រូវតែទៅជិតជាមួយនឹង Wide lens ឬនៅឆ្ងាយជាមួយនឹង Telephoto lens ដើម្បីរក្សានូវទំហំ Subject ឲ្យដូចគ្នា។ ហេតុផលដែល Lens វែងផលិតបាននូវ Depth of field រាក់ជាងដោយសារ Angle of view (មុំនៃទិដ្ឋភាព) មានលក្ខណៈតូចចង្អៀត បើប្រៀបធៀបនឹង Wide lens នោះ Telephoto នឹងបំពេញ Frame ជាមួយនឹងតំបន់នៃផ្ទៃខាងក្រោយតូចច្រើនជាង ដូច្នេះលក្ខណៈព្រាលក៏បង្ហាញច្រើនផងដែរ។

រូបតំណាង

របៀបកំណត់នូវ Depth of field ជា priority

មានស្ថានភាពបីដែលអ្នកគួរពិនិត្យមើលលើ Control នៃការ Focus និង Depth of field។

Portraits

ពេលអ្នកថតរូបភាពលក្ខណៈ Portraits ការថតឲ្យបានល្អគឺ ព្យាយាមថតនូវរូបភាពនោះដែលជាកន្លែងផ្ទៃខាងក្រោយជារបស់ Depth of field និងជាលទ្ធផលមានលក្ខណៈព្រាល។ Focal length វែង និង Wide aperture settings ជាជម្រើសដ៏ល្អ ល្បីបើការ Focus ត្រូវមានភាពត្រឹមត្រូវ។

Landscapes

សម្រាប់លក្ខណៈច្បាស់ពីមុខទៅក្រោយក្នុងរូបភាពទេសភាព អ្នកគួរប្រើប្រាស់ Focal length ខ្លី និង Aperture ប្រហែលជា f/16 ឬតូចជាងនេះ ហើយធ្វើការ Focus លើ ១ភាគបីនៃទិដ្ឋភាព។ ដើម្បីរក្សាកាមេរ៉ាឲ្យនឹងល្អកំឡុងពេលប្រើប្រាស់ Exposure វែង អ្នកគួរប្រើប្រាស់ Tripod ឬបង្កើន ISO ជំនួសវិញ។

Close-ups

Depth of field បន្ថយការទៅជិតសម្រាប់អ្នកធ្វើការ Focus ដូច្នេះពេលថត Subject តូច ជម្រើស Aperture មានលក្ខណៈសំខាន់ណាស់។ សូម្បីតែ Aperture តូចបំផុតដែលមានលើ Lens ប្រហែលជាគ្រាន់តែផ្ដល់នូវ Depth of filed ដោយកំណត់ជា មីលីម៉ែត្រ ពេល Lens ត្រូវបានប្រើប្រាស់នៅចម្ងាយក្នុងការ Focus ជិតបំផុតប៉ុណ្ណោះ។

ធ្វើយ៉ាងណាឲ្យប្រសើរលើកាមេរ៉ា

អ្នកអាចស្វែងយល់ពីការប្រើប្រាស់លើមុខងារ Depth of field preview ដូចខាងក្រោម៖

បើកដំណើរការ Live View

មុខងារ Depth of field preview របស់កាមេរ៉ា DSLR អ្នកអាចប្រើប្រាស់សម្រាប់ការថតដោយប្រើប្រាស់ Viewfinder ឬ Live view ប៉ុន្តែរូបភាព Live view ដែលធំ និងភ្លឺជាងមានលក្ខណៈងាយស្រួលក្នុងការវាយតម្លៃលើអ្វីដែលច្បាស់ និងអ្វីដែលស្រទន់ល្អ។ ចំនុចនេះ អ្នកគួរប្រើប្រាស់ Wide f/2.8 aperture។

ចុចលើ DOF Preview

Depth of field preview control ជាធម្មតាមាននៅខាងមុខកាមេរ៉ា បន្ទាប់នឹងកន្លែងភ្ជាប់ Lens។ ចុចឲ្យជាប់នូវប៊ូតុងនេះ បន្ទាប់មកបង្វិល Control dial របស់កាមេរ៉ាទៅតាម Aperture ដែលមានលើ Lens។

Preview ហើយថតតែម្ដង

រូបភាពនឹងប្រែជាងងឹតខ្លាំង ពេលអ្នកជ្រើសរើស Aperture តូច ល្បីបើពន្លឺនៅពីក្រោយ Live view លើអេក្រង់មានភាពងាយស្រួលក្នុងការមើលនូវផលប៉ះពាល់នៃរូបភាព។ ពេលអ្នកពេញចិត្តនូវ Depth of field រួច Release (ប្រលែង) ប៊ូតុង DOF preview ហើយថតរូបតែម្ដង៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា កុំភ្លេចចុច Like Page Sabay News Technology...

ចុចអានបន្ត ៖

ប្រភព៖ Techradar ប្រែសម្រួល ៖ ប៊ុន ធឿន