Pique និយាយទាំងទឹកភ្នែករឿងហិង្សានៅ Barcelona និងថាអាចចេញពីជម្រើសជាតិ

2017-10-02 03:10:07
ចំនួនមតិ 0 | ចំនួនចែករំលែក 0

ចន្លោះមិនឃើញ

Gerard Pique បាននិយាយដោយមានទឹកភ្នែកព្រិចៗ បន្ទាប់ពីឃើញរូបភាពប៉ូលិសប្រើអំពើហិង្សាលើប្រជាជនដែលព្យាយាមបោះឆ្នោតធ្វើប្រជាមតិនៅតំបន់ Catalan កាលពីម្សិលមិញ។

ចៅហ្វាយក្រុងក្នុងតំបន់នេះបាននិយាយថាមនុស្សជាង៤៦០នាក់បានរងរបួសនៅពេលប៉ូលិសបង្ក្រាបកុបកម្មបញ្ឈប់មនុស្សចូលទៅកាន់ស្ថានីយបោះឆ្នោតក្នុងការធ្វើប្រជាមតិ ដោយប្រកាសថា វាជាអំពើខុសច្បាប់។ ព្រោះតែបញ្ហាចលាចលនេះធ្វើការការប្រកួតរវាង Barcelna និង Las Palmas បង្ខំចិត្តបិទទ្វារមិនឲ្យអ្នកទស្សនាចូល។

ទន្ទឹមនឹងនេះ Pique បានលើកឡើងថា លេងក្នុងកីឡដ្ឋាន Nou Camp គ្មានអ្នកទស្សនាកាលពីយប់មិញ គឺជាបទពិសោធន៍ដ៏អាក្រក់ក្នុងអាជីពរបស់គេ។ និយាយមានទឹកភ្នែកតិចៗ ប្ដីរបស់ Shakira បាននិយាយថា៖ "វាពិតជាពិបាកក្នុងការលេងណាស់ ពេលដែលគ្មានអ្នកគាំទ្រ និងមារឿងកើតឡើងនៅតំបន់ Catalan។ វាជាបទពិសោធន៍ដ៏អាក្រក់ក្នុងអាជីពខ្ញុំ"។

កីឡាករវ័យ៣០បានបន្តទៀតថា៖ "ខ្ញុំគិតថា ខ្ញុំអាចលេងនៅជម្រើសជាតិអេស្ប៉ាញទៀតបានព្រោះខ្ញុំគិតថាមានមនុស្សជាច្រើននៅទូទាំងប្រទេសប្រឆាំងទាំងស្រុងនូវទង្វើដែលយើងបានឃើញនៅថ្ងៃនេះ ហើយមនុស្សទាំងអស់ជឿលើលទ្ធិប្រជាធិបតេយ្យ។ ប្រសិនជាអ្នកចាត់ការឬសមាគមបាល់ទាត់អេស្ប៉ាញគិតថា ខ្ញុំមានបញ្ហា ខ្ញុំអាចដើរចេញពីជម្រើសជាតិ"៕