ខ្មាន់កាំភ្លើងប្រើកាំភ្លើង១០ដើមបាញ់រះ រួចបាញ់សម្លាប់ខ្លួន ពេលប៉ូលិសចូលបន្ទប់

2017-10-03 01:45:12
ចំនួនមតិ 0 | ចំនួនចែករំលែក 0

ចន្លោះមិនឃើញ

គិតមកទល់ពេលនេះអ្នកស្លាប់យ៉ាងតិច ៥៩នាក់ និងរបួស ៥២៧នាក់ ក្នុងការបាញ់រះមកលើអ្នកឈរមើលការប្រគំតន្ត្រីនៅទីក្រុង Las Vegas រដ្ឋ Nevada សហរដ្ឋអាមេរិក។

ខ្មាន់កាំភ្លើងមានឈ្មោះ Stephen Paddock អាយុ ៦៤ឆ្នាំ ជាអ្នករស់នៅរដ្ឋ Nevada តែម្ដង។ លោកបានបាញ់ប្រហារពីជាន់ទី ៣២ នៃសណ្ឋាគារ Mandalay Bay Hotel សំដៅអ្នកមើលតន្ត្រីជាង ២២ ០០០នាក់។

លោកបានបាញ់សម្លាប់ខ្លួន ពេលក្រុមប៉ូលិសទម្លាយចូលបន្ទប់ និងឃើញកាំភ្លើង ១០ដើមនៅទីនោះ។ ក្រុមអ្នកស៊ើបអង្កេតបញ្ជាក់ថា ខ្មាន់កាំភ្លើងមិនជាប់ពាក់ព័ន្ធនឹងភេរវកម្មអន្តរជាតិឡើយ ទោះបីជាមានការអះអាងពីក្រុមភេរវករដ្ឋឥស្លាមក៏ដោយ។

តាមការបញ្ជាក់របស់អ្នកស្រុក Nevada ស្គាល់ខ្មាន់កាំភ្លើងម្នាក់អះអាងថា លោក Paddock ជាមនុស្សញៀនល្បែង និងចូលចិត្តធ្វើអ្វីប្លែកៗ។

ចំណែកប្រធានាធិបតីដូណាល់ ត្រាំ បានហៅការវាយប្រហារនេះថា ជាអំពើស្មោកគ្រោកក្រៃលែង។ គួរបញ្ជាក់ថា ហេតុការណ៍បាញ់ប្រហារសាហាវបំផុតក្នុងប្រវត្តិសាស្ត្រអាមេរិកនៅរយៈពេលប៉ុន្មានទសវត្សរ៍ចុងក្រោយនេះ បានកើតឡើងនាយប់ថ្ងៃអាទិត្យទី ១តុលា ម៉ោង ១០៖០៨នាទី ខណៈទស្សនិកជនកំពុងមើលតារាចម្រៀង Jason Aldean សម្ដែងលើឆាក។