កប់មែន! ៦ឈុតដែលកញ្ញាឯកផែនដី អែម គុនថង ត្រៀមយកទៅប្រកួត(វីដេអូ)

2017-10-03 03:10:48
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនយូរទៀតទេ កម្មវិធីប្រកួតសម្រស់ និងចំណេះដឹង កញ្ញាឯកផែនដី ឬ Miss Earth 2017 នឹងឈានចូលមកដល់។ ដូចគ្នានេះ ដែរកញ្ញាឯកផែនដីតំណាងកម្ពុជា អែម គុនថង កំពុងហាត់សម យ៉ាងសស្រាក់សស្រាំទៅលើការដើរម៉ូដ និយាយស្ដី និងជំនាញពិសេសៗយកទៅបង្ហាញ។ ក្នុងនោះនាងក៏មិនភ្លេចដែរក្នុងការនាំយកសម្លៀកបំពាក់ស្អាតៗចេញទៅបង្អួតលើឆាកអន្តរជាតិ។

សម្រាប់ការប្រកួតនេះ គុនថង ប្រាប់ថា នាងបានត្រៀមសម្លៀកបំពាក់ចំនួន៧ឈុត ដែលមាន១ជាឈុតសម្រាប់ប្រើនៅថ្ងៃប្រកាសលទ្ធផល(Evening Gown) និង១ឈុតទៀតគឺជាឈុតតំណាងជាតិ។ ឈុតតំណាងជាតិនេះ មានឈ្មោះថា "គោញី" ដែលនឹងមានការច្នៃឡើងដោយក្រុមយុវជន La Chhouk មកពីសាកលវិទ្យាល័យភូមិន្ទ និងវិចិត្រសិល្ប។

កម្មវិធីប្រលង កញ្ញាឯកផែនដី ឬ Miss Earth ប្រចាំឆ្នាំ ២០១៧ នឹងប្រព្រឹត្តឡើងនៅថ្ងៃទី៤ ខែវិច្ឆិកា ខាងមុខនេះ នៅប្រទេសហ្វីលីពីន។

ដោយសុំលាក់ឈុត "គោញី" សិន ថ្ងៃនេះ អែម គុនថង នឹងបង្ហាញជូនឈុតទាំង៦ផ្សេងទៀតដែល កញ្ញាឯកផែនដី អែម គុនថង ត្រៀមយកទៅបង្ហាញ៕