រំភើប! កូនខ្មែរអស្ចារ្យម្នាក់ឡើងចែករំលែកក្ដីស្រឡាញ់ពីរបាំខ្មែរដល់ឆាក TED ទៀត
- 2017-10-05 04:47:22
- ចំនួនមតិ 0 | ចំនួនចែករំលែក 0
រំភើប! កូនខ្មែរអស្ចារ្យម្នាក់ឡើងចែករំលែកក្ដីស្រឡាញ់ពីរបាំខ្មែរដល់ឆាក TED ទៀត
ចន្លោះមិនឃើញ
បុរសខ្មែរម្នាក់ដែលមានឈ្មោះថា Prumsodun Ok បានធ្វើឲ្យបរទេសភ្ញាក់ផ្អើលជាខ្លាំង ក្រោយបង្ហាញខ្លួនលើឆាក TED ហើយរៀបរាប់ពីវប្បធម៌ខ្មែរដ៏រុងរឿង ទៅកាន់អ្នកទស្សនាបរទេសជាច្រើននាក់ដែលមានវត្តមានក្នុងកម្មវិធី។
លោក ឱក ព្រហ្មសុដន្ត្រៈ (Prumsodun Ok) ជាកូនខ្មែរដែលបានធ្វើឲ្យប្រជាជនកម្ពុជាដទៃទៀតមានមោទនភាពជាខ្លាំង ពេលឡើងមកលើវេទិកាដ៏អស្ចារ្យ ដោយបានធ្វើបទបង្ហាញពីវប្បធម៌ និងប្រពៃណីរបស់ខ្មែរទៅបរទេសឲ្យបានយល់ដឹង។
ជាមួយគ្នានោះ លោកក៏បានចែករំលែក ក្ដីស្រឡាញ់របស់ខ្លួន ចំពោះរបាំក្បាច់បុរាណខ្មែរ អមជាមួយពាក្យពេចន៍ កាយវិការទន់ភ្លន់ថ្លៃថ្នូរ ស័ក្ដិសមជាកូនខ្មែរពិតៗ។ នេះជាមោទនភាពមិនអាចកាត់ថ្លៃបាន នៅពេលដែលកម្ពុជាបានឈានឡើងលើឆាកអន្តរជាតិ និងបានធ្វើឲ្យជនជាតិផ្សេងកាន់តែស្គាល់ និងឲ្យតម្លៃខ្លាំងឡើងៗ។
ជាក់ស្ដែង លោក ឱក ព្រហ្មសុដន្ត្រៈ មានអាយុ ៣០ឆ្នាំ គឺជាជនជាតិខ្មែរអាមេរិក ដែលបានបំបែកកំណត់ត្រាថ្មីមួយទៀតក្នុងប្រទេសកម្ពុជា ដោយបានបង្កើត ក្រុមរបាំបុរាណខ្មែរសម្រាប់ភេទទី៣ ដំបូងបង្អស់ក្នុងពិភពលោក មានឈ្មោះថា “Prumsodun Ok & NATYARASA”។ លោកត្រូវបានជ្រើសរើសជាសមាជិកជាន់ខ្ពស់របស់ TED ហើយលោកនឹងត្រូវចូលរួមក្នុងកម្មវិធីសន្និសីទធំៗប្រចាំឆ្នាំចំនួន ២។ តាមរយៈនេះ លោកក៏នឹងទទួលបានឱកាសអស្ចារ្យជាច្រើនពិកម្មវិធីនេះដែរ។
បញ្ជាក់ផងដែរ វេទិកា TED គឺជាវេទិកាដ៏ធំដែល បុគ្គលល្បីៗជាច្រើនមកពីជុំវិញពិភពលោក បង្ហាញវត្តមានជាបន្តបន្ទាប់ បង្ហាញនូវបទពិសោធន៍ ចំណេះដឹងទូទៅទាក់ទងនឹងការអប់រំ វប្បធម៌ ជំនួញ វិទ្យាសាស្រ្ត បច្ចេកវិទ្យា និងគំនិតច្នៃប្រឌិតថ្មីៗ ដល់មហាជនជាច្រើនដែលកំពុងទស្សនាក្នុងកម្មវិធីផ្ទាល់ ហើយវាក៏ត្រូវបានចែកចាយទូទាំងពិភពលោកទាំងមូល និងបានទទួលបានគាំទ្រជាខ្លាំង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
