ចង្កឹ្កះលេខអូតូ និងលេខដៃក្នុងរថយន្ត មានចំណុចពិសេសទាំងនេះ តិចអត់ដឹង!
- 2017-10-08 06:30:00
- ចំនួនមតិ 0 | ចំនួនចែករំលែក 0
ចង្កឹ្កះលេខអូតូ និងលេខដៃក្នុងរថយន្ត មានចំណុចពិសេសទាំងនេះ តិចអត់ដឹង!
ចន្លោះមិនឃើញ
បច្ចុប្បន្នរថយន្តចង្កឹ្កះលេខអូតូ និងលេខដៃជាច្រើនបានចរាចរណ៍លើដងផ្លូវ ទាំងថ្មី និងមួយទឹក។ រថយន្តទាំងនោះភាគច្រើនសុទ្ធតែនាំចូលពីក្រៅប្រទេស ដែលមានលក្ខណៈសម្បត្តិផ្សេងៗគ្នា។ ទន្ទឹមនឹងនេះ ក្នុងការជ្រើសរើសទិញ អ្នកគួរតែយល់ដឹងលក្ខណៈប្រើប្រាស់ពីចង្កឹះលេខដៃ ឬចង្កឹ្កះលេខអូតូលើរថយន្តទាំងនោះផងដែរ។
#ចង្កឹ្កះលេខអូតូ(Automatic Transmissions)
ចង្កឹ្កះលេខអូតូ ជាចង្កឹ្កះលេខដែលបានវិវត្តន៍ចេញពីប្រភេទចង្កឹះលេខដៃជំនាន់ចាស់ៗ។ ឡានប្រើលេខអូតូ មានការពេញនិយមណាស់សព្វថ្ងៃ។ ខាងក្រោមនេះ ជាចំណុចមួយចំនួនដែលបរិយាយពីអត្ថប្រយោជន៍របស់ឡានចង្កឹះលេខអូតូ៖
- ងាយស្រួលប្រើប្រាស់៖ ចំណុចនេះ ចំពោះអ្នកដែលប្រើឡានលេខដៃ ហើយប្តូរមកប្រើ លេខអូតូ ប្រាកដជាភ្ញាក់ផ្អើល ដោយសារភាពងាយស្រួលក្នុងការប្តូរ Gear (លេខ) និងការចាប់កាន់របស់វា។ សម្រាប់អ្នកទើបបើកបរដំបូង ចំណាយពេលតិចដើម្បីរៀន ព្រោះវាងាយចងចាំ នឹងស្រួលចំណាំដៃផងដែរ បើធៀបនឹងឡានលេខដៃ។
- សុវត្ថិភាពអំឡុងពេលបើកបរ៖ ចំណុចនេះ អ្នកបើកបរលេខអូតូថ្មោងថ្មី ប្រាកដជាងាយស្រួល ព្រោះភាគច្រើនពេលរៀនបើក គេបង្រៀនពីវិធីបើកបរឲ្យមានសុវត្ថិភាពជៀសវាងមានបញ្ហាពេលបើកបរ ដោយរក្សាដៃទាំងពីរនៅលើចង្កូតគ្រប់ពេល ដែលនេះជាចំណុចល្អមួយ ពេលអ្នកបើកអាចចល័ត ឬមិនបាច់ប្តូរលេខគ្រប់ពេលដូចចង្កឹះលេខដៃ។
- ល្អសម្រាប់តំបន់ចោត៖ ប្រសិនបើអ្នកមានបទពិសោធន៍តិចក្នុងការបើកបរ អ្នកប្រហែលយល់ថាផ្លូវចោតមានការពិបាកជាមួយនឹងលេខដៃ តែចំពោះលេខអូតូអាចឲ្យរថយន្តប្រតិបត្តិការបានយ៉ាងល្អ មិនថាភ្នំចោតយ៉ាងម៉េចក៏ដោយ។
- កាត់បន្ថយហានិភ័យពេលឈប់៖ ចំណុចនេះ សំដៅដល់ពេលឈប់ភ្លាមៗ ក្នុងករណីការឈប់ប្រញាប់ៗ ឬញឹកញាប់។
- ងាយស្រួលប្រើពេលស្ទះចរាចរណ៍៖ រថយន្តប្រើលេខអូតូ អាចឲ្យអ្នកបើកបររំកិលពេលស្ទះចរាចរណ៍ ដោយគ្រាន់តែជាន់បន្តិចៗប៉ុណ្ណោះ។
#ចង្កឹះលេខដៃ(Manual Transmissions)
ទោះជាចង្កឹះលេខដៃ មិនសូវជាស្រួលប្រើជាងលេខអូតូ ប៉ុន្តែវានៅតែពេញនិយមពីសំណាក់អ្នកបើកបរជាច្រើន ដោយកត្តាមួយចំនួនដូចជា៖
- មានតម្លៃធូរថ្លៃ៖ ប្រសិនបើអ្នកចង់ទិញរថយន្តជាមួយនឹងតម្លៃធូរថ្លៃ នោះរថយន្តលេខដៃ ប្រាកដជាជម្រើសទី១ហើយ។ ជាមធ្យមរថយន្តប្រើលេខដៃ មានតម្លៃថោកជាងប្រហែល ១ ពាន់ដុល្លារ ទៅនឹងរថយន្តម៉ូដែលដូចគ្នា ដែលប្រើលេខអូតូ។
- ការថែទាំមិនសូវពិបាក ងាយរកគ្រឿងបន្លាស់៖ រថយន្តលេខដៃមានការថែទាំតិចតួច ហើយជាទូទៅការថែទាំ និងការជួសជុលមានការចំណាយតិចផងដែរ។
- ជួយសន្សំសំចៃប្រេងបានល្អ៖ ប្រេងម៉ាស៊ីនរថយន្តលេខដៃ មិនសូវមានភាពស្មុគស្មាញប៉ុន្មានទេ សុីតិចជាងរថយន្តលេខអូតូ។ រថយន្តលេខដៃ អាចជួយសន្សំដល់អ្នកបើកបររវាង ៥% ទៅ ១៥% លើតម្លៃប្រេង។
- ងាយគ្រប់គ្រង៖ រថយន្តលេខដៃ មិនសូវពិបាកគ្រប់គ្រងនោះទេ ទោះជាការប្រើប្រាស់របស់វា រាងសុាំញុាំបន្តិចមែន។
ដូចគ្នានេះដែរ វាបានបង្កើតឡើងដើម្បីឆ្លើយតបទៅនឹងលក្ខខណ្ឌដែលវាបានជួបប្រទះ ដែលមិនអាចឲ្យអ្នកបើកបររំពឹងទុកបាននូវលក្ខខណ្ឌខាងមុខ ឬមានចេតនាជ្រើសរើស Gear កម្រិតទាបសម្រាប់បង្កើនថាមពល។ Manual transmission ផ្តល់ឲ្យអ្នកបើកបរអាចគ្រប់គ្រងលើរថយន្តបានយ៉ាងល្អ៕
ប្រភព៖ https://www.budgetdirect.com.au/blog/manual-vs-automatic-car-transmission-pros-cons.html