បែកធ្លាយរូបថត បង្ហាញពីធាតុពិតនៃទាហានកូរ៉េខាងជើង កម្របានឃើញបំផុត!

2017-10-24 00:55:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ធាតុពិតនៃទាហានរបស់លោក គីម ជុងអ៊ុន ត្រូវបានបង្ហាញនៅក្នុងបណ្ដុំរូបថត ដែលត្រូវបានលួចយកចេញពីកូរ៉េខាងជើង ដោយបង្ហាញឲ្យឃើញ រថយន្តដឹកឈើស៊េរីចាស់ និង ទាហានដែលអស់កម្លាំងដេកលង់លក់នៅតាមផ្លូវ។

នៅក្នុងរូបថតដែលថតដោយអ្នកទេសចរ នៅរវាងភ្នំ Mount Kumgang និង កំពង់ផែនៃទីក្រុង Wonsan នៅលើឆ្នេរសមុទ្រខាងកើតរបស់កូរ៉េខាងជើង ក៏បានបង្ហាញឲ្យឃើញ កងទ័ពរបស់លោក គីម ជុងអ៊ុន កំពុងជួសជុលរថយន្តដែលខូចផងដែរ។

ជាមួយគ្នានេះ រូបថតមួយសន្លឹកផ្សេងទៀត បានបង្ហាញឲ្យឃើញ ទាហានស្រីម្នាក់ពាក់ស្បែកជើងកែង ខណៈកំពុងបំពេញតួនាទីទៀតផង។ មិនតែប៉ុណ្ណោះ រថយន្តកងទ័ពខ្លះ នៅដំណើរការដោយការដុតអូស ដែលជាបច្ចេកវិទ្យានាសម័យចុងបញ្ចប់នៃសង្គ្រាមលោកលើកទី២ មកម្ល៉េះ។

អ្នកថតរូបដែលសុំមិនបញ្ចេញអត្តសញ្ញាណ បាននិយាយថា ទាហានមួយចំនួនដែលខ្លួនបានឃើញ ហាក់បីដូចជាមិនទាន់ត្រៀមខ្លួនសម្រាប់ធ្វើសង្គ្រាមឡើយ សូម្បីតែទាហាននៅព្រំដែនកូរ៉េខាងត្បូង ក៏ដូច្នោះដែរ។

យ៉ាងណាមិញ ប្រទេសកូរ៉េខាងជើង មានភាពតឹងតែងណាស់ចំពោះការថតរូប ហើយជាញឹកញាប់ ភ្ញៀវទេសចរត្រូវអ្នកនាំផ្លូវ លុបរូបដែលបានថតចោលអស់។ ប៉ុន្តែ រូបថតបង្ហាញពីទាហានកូរ៉េខាងជើងទាំងនេះ ត្រូវបានថតចេញពីកាមេរ៉ា ដែលប្រើ Memory Card ចំនួន២ ដូច្នេះរូបថតដែលលុបចោល សុទ្ធតែអាចធ្វើការ Backup មកវិញបាន។

ទោះជាយ៉ាងណា អ្នកថតរូបខាងលើ បាននិយាយថា អ្នកនាំផ្លូវរបស់ខ្លួនគឺសេរីនិយមខ្លាំងណាស់ ហើយគេមិនបានឆែកមើលរូបថតសូម្បីតែមួយសន្លឹក៕

ចុចអាន៖

ប្រភព៖ Dailymail ប្រែសម្រួល៖ សេង ឡុង