Leipzig ធ្លាក់ពី German Cup ទាំងឈឺចាប់ដោយសារស្នាដៃ Bayern
- 2017-10-26 01:58:35
- ចំនួនមតិ 0 | ចំនួនចែករំលែក 0
Leipzig ធ្លាក់ពី German Cup ទាំងឈឺចាប់ដោយសារស្នាដៃ Bayern
ចន្លោះមិនឃើញ
ក្រុមលេខ៣កំពូលតារាង Bundesliga ក្លឹប RB Leipzig បានជ្រុះចេញពីពាន German Cup ក្រោយចាញ់ក្រុមលេខមួយ Bayern Munich ដោយបាល់ប៉េណាល់ទីកាត់សេចក្ដីក្នុងជុំទី២។
៤៥នាទីដំបូងវគ្គទី១ក្រុមទាំងពីរមិនអាចធ្វើអ្វីគ្នាបានឡើយ ទោះមានឱកាសដូចគ្នា។ តែឈានដល់វគ្គទី២ការប្រកួតកាន់តែស្វិតស្វាញ បន្ទាប់ពីខ្សែប្រយុទ្ធ Naby Keita របស់ Leipzig ទទួលបានកាតលឿងទី២ស្មើកាតក្រហមបណ្ដេញចេញពីការប្រកួតនៅនាទី៥៤។
ក្នុងនាទី៦៨ក្រុមដែលសល់គ្នាតែ១០នាក់ Leipzig រកបានមួយគ្រាប់នាំមុខមុនដោយបាល់ប៉េណាល់ទីរបស់កីឡាករ Emil Forsberg មុនពេលThiago Alcantara របស់ Bayern តាមស្មើបានវិញនាទី៧៣។ បញ្ចប់៩០នាទីក្រុមទាំងពីរនៅតែស្មើគ្នា ១-១ បន្តបន្ថែមម៉ោង១៥នាទីពីរដង ប៉ុន្តែពួកគេនៅតែមិនអាចធ្វើអ្វីគ្នាបាន។ ដូច្នេះត្រូវឈានដល់បាល់ប៉េណាល់ទីកាត់សេចក្ដី។ ៥គ្រាប់របស់ Bayern គ្មានភ្លាត់មួយគ្រាប់ណាឡើង ដោយឡែក Leipzig ភ្លាត់ទាត់មិនចូលគ្រាប់ចុងក្រោយដោយកីឡាករ Timo Wener៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
