គ្រូជប៉ុន ប្រាប់កូនក្រុមតែ១ឃ្លា ធ្វើឱ្យពួកគេរត់ដាច់ជើងចោល រហូតឈ្នះមីយ៉ាន់ម៉ា

2017-10-27 01:57:15
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Inoue Kazunori គ្រូបង្វឹកក្រុមយុវជនកម្ពុជា លើកឡើងថាការប្រកួតជាមួយក្រុមមីយ៉ាន់ម៉ា ពិតជាស្វិតស្វាញខ្លាំងណាស់ ដោយតង់ទី១កូនក្រុមធ្វើមិនបានល្អ ត្រូវរង់ចាំដល់ចូលតង់ទី២។

គ្រូបង្វឹកជប៉ុនរូបនេះ បានប្រាប់ទៅកូនក្រុមអំឡុងពេលសម្រាកនៅចប់តង់ទី១ថា៖ “ខ្ញុំមិននិយាយពីបច្ចេកទេសទេ ប៉ុន្តែអ្នកកំពុងលេងតំណាងឱ្យជាតិ។ ប្រសិនបើកីឡាករតំណាងជាតិ យើងឈ្នះគឺជាតិឈ្នះ បើយើងចាញ់គឺយើងនៅតែអន់ដដែល”។

ដោយសារតែសម្ដីខាងលើនេះហើយ បានធ្វើឱ្យក្រុមកម្ពុជាប្រឹងប្រែង រត់មិនចេះហត់រហូតទាល់តែយកជ័យជម្នះបានលើក្រុមខ្លាំងមីយ៉ាន់ម៉ាតែម្ដង។ ក្រោយការប្រកួតនេះចប់ ក្រុមកម្ពុជាកាន់តែមានកម្លាំងចិត្តបន្ថែមទៀត សម្រាប់ប្រកួតបន្ទាប់ ដើម្បីបានឡើងទៅវគ្គបន្ដបាន ប្រសិនបើអាចយកឈ្នះក្រុមហ្វីលីពីនច្រើនគ្រាប់ ហើយមីយ៉ាន់ម៉ាចាញ់ចិន នៅប្រកួតចុងក្រោយនេះ។

កាលពីម្សិលមិញនេះលទ្ធផលវគ្គជម្រុះពូល G នៃពានរង្វាន់ AFC U19 Championship ដែលធ្វើឡើងនៅកម្ពុជានោះ ក្រុមចិនបានយកឈ្នះហ្វីលីពីន ៦-០ និងកម្ពុជាឈ្នះមីយ៉ាន់ម៉ា ៣-២។ លទ្ធផលនេះ បានធ្វើឱ្យចិនឡើងលេខ១ក្នុងពូល កម្ពុជាលេខ២ បើទោះជាមាន៣ពិន្ទុស្មើមីយ៉ាន់ម៉ាក៏ដោយ ព្រោះគិតតាមរូបមន្ដ Head-to-Head៕

អត្ថបទ៖ មុន្នីរម្យ