Selena ទប់ទឹកភ្នែកមិនជាប់ ពេលរម្លឹកពីពេលទទួលការបរិច្ចាគក្រលៀនពីមិត្តល្អ

2017-10-28 08:50:53
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅក្នុងការបង្ហាញមុខក្នុងកម្មវិធីទូរទស្សន៍មួយកាលពីឆ្នាំ២០១៧ តារាចម្រៀង Selena Gomez បានរម្លឹកពីការទទួលបានការបរិច្ចាគក្រលៀនពី មិត្តល្អរបស់នាង គឺតារាសម្ដែង Francia Raísa។

ដូចប្រិយមិត្តច្បាស់ជាបានជ្រាបហើយ កាលពីខែកញ្ញា ឆ្នាំ២០១៧ Selena Gomez បានចូលមន្ទីរពេទ្យវះកាត់ប្ដូរក្រលៀន ដើម្បីជីវិតនាងនៅថ្ងៃមុខ។ អ្វីដែលគួរឲ្យរំភើបនោះគឺ Francia Raísa ដែលជាមិត្តល្អរបស់នាង បានសម្រេចចិត្ត បរិច្ចាគក្រលៀនរបស់នាងទៅឲ្យ Selena ដែលកំពុងត្រូវការចាំបាច់បំផុត។

Francia Raísa និង Selena Gomez

នៅក្នុងកម្មវិធីទូរទស្សន៍នោះ Selena បានបើកបង្ហាញអារម្មណ៍ពិតក្នុងចិត្ត ចំពោះទឹកចិត្តដ៏ល្អរបស់មិត្តរបស់ខ្លួន ដែលសុខចិត្តបរិច្ចាគក្រលៀនឲ្យនាង។

ដោយសាររំភើបនឹងទឹកចិត្តកម្ររកបានរបស់ Francia Raisa ទើប Selena មិនអាចទប់អារម្មណ៍ ដោយបានសម្រក់ទឹកភ្នែក អួលដើមកមួយរំពេច។ តារាស្រីវ័យ ២៧ ឆ្នាំរូបនេះនិយាយថា៖ "ពេលនោះ ខ្ញុំគិតថា ជីវិតខ្ញុំកំពុងមានបញ្ហាហើយ ដោយសារក្រលៀនខ្ញុំខូច។ អ្វីគ្រប់យ៉ាង កើតឡើងបែបនោះ រហូតធ្វើឲ្យខ្ញុំលែងចង់បានអ្វីទាំងអស់។ តែថ្ងៃមួយ ពេលខ្ញុំមកដល់ផ្ទះ ខ្ញុំស្រាប់តែដឹងព័ត៌មានថា នាង (Francia) ស្ម័គ្រចិត្តបរិច្ចាគក្រលៀនឲ្យខ្ញុំ"។

គួររំលឹកផងដែរថា កាលពីខែកញ្ញា ឆ្នាំ២០១៧ អ្នកគាំទ្រទូទាំងពិភពលោក ពិតជាមានការភ្ញាក់ផ្អើលជាខ្លាំង ក្រោយឃើញរូបភាពរបស់ Selena និង Francia កាន់ដៃគ្នា លើគ្រែក្នុងមន្ទីរពេទ្យ។ អ្នកទាំងនោះមានការអាណិត Selena ណាស់ ពេលដឹងពីស្ថានភាពជំងឺរបស់នាង ហើយរឹតតែស្ញប់ស្ញែងនឹងទឹកចិត្ត របស់ Francia ដែលលះបង់ក្រលៀនរបស់ខ្លួនទៅឲ្យមិត្តសម្លាញ់៕

“You feel that Francia saved your life?” -@savannahguthrie
“Because she did.” -@selenagomez pic.twitter.com/2C2tzIvz1S
— TODAY (@TODAYshow) October 27, 2017

ប្រភព៖ Kenh14 ប្រែសម្រួល៖ យី សុធារី